ಇಂದು ಹಸಿರು ಬಣ್ಣದ ಜೆರ್ಸಿಯಲ್ಲಿ ಆಡಲಿರುವ ಆರ್ ಸಿಬಿ

ದುಬೈ: ಐಪಿಎಲ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಒಂದು ಪಂದ್ಯವನ್ನು ಹಸಿರು ಜೆರ್ಸಿ ತೊಟ್ಟು ಆಡುತ್ತದೆ. ಹಸಿರು ಬೆಳೆಸಿ ಅಭಿಯಾನವನ್ನು ಬೆಂಬಲಿಸುವ ಸಲುವಾಗಿ ಪ್ರತೀ ಬಾರಿ ಈ ರೀತಿ ಮಾಡುತ್ತದೆ.

ಹೀಗಾಗಿ ಇಂದಿನ ಪಂದ್ಯದಲ್ಲಿ ಆರ್ ಸಿಬಿ ಆಟಗಾರರು ಹಸಿರು ಜೆರ್ಸಿಯಲ್ಲಿ ಆಡಲಿದ್ದಾರೆ. ಇಂದು ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯವಿದೆ. ಈ ಪಂದ್ಯವನ್ನು ಹಸಿರು ಜೆರ್ಸಿಯಲ್ಲಿ ಆಡುವುದಾಗಿ ಘೋಷಿಸಿರುವ ಎಬಿಡಿ ವಿಲಿಯರ್ಸ್ ‘ಅಗತ್ಯವಿಲ್ಲದೇ ಇದ್ದಾಗ ವಿದ್ಯುತ್ ಬಳಸಬೇಡಿ, ಪ್ಲಾಸ್ಟಿಕ್ ಬಳಕೆ ಕಡಿಮೆ ಮಾಡಿ, ಎಲ್ಲೇ ಪ್ಲಾಸ್ಟಿಕ್ ಕಸ ಕಂಡರೂ ಎತ್ತಿ ಪರಿಸರ ಕಾಪಾಡಿ’ ಎಂದು ಸಂದೇಶ ನೀಡಿದ್ದಾರೆ.