ಐಪಿಎಲ್ ನಿಂದ ಹೊರಬಿದ್ದ ಇಶಾಂತ್ ಶರ್ಮಾ

ದುಬೈ: ಐಪಿಎಲ್ ನಿಂದ ಮತ್ತೊಬ್ಬ ಕ್ರಿಕೆಟಿಗ ಗಾಯಾಳುವಾಗಿ ಹೊರಬಿದ್ದಿದ್ದಾರೆ. ಈ ಬಾರಿ ಡೆಲ್ಲಿ ಕ್ಯಾಪಿಟಲ್ಸ್ ವೇಗಿ ಇಶಾಂತ್ ಶರ್ಮಾ ಸರದಿ.

ಪಕ್ಕೆಲುಬಿನ ಗಾಯಕ್ಕೊಳಗಾಗಿರುವ ಇಶಾಂತ್ ಶರ್ಮಾ ಐಪಿಎಲ್ 13 ರಿಂದ ಹೊರಬರಬೇಕಾಗಿದೆ. ಅಕ್ಟೋಬರ್ 7 ರಂದು ತಂಡದ ಟ್ರೈನಿಂಗ್ ಸೆಷನ್ ನಡುವೆ ಬೌಲಿಂಗ್ ಮಾಡುವಾಗ ನೋವಿಗೊಳಗಾಗಿದ್ದರು. ಗಾಯ ಗಂಭೀರವಾಗಿರುವ ಹಿನ್ನಲೆಯಲ್ಲಿ ಅವರು ಐಪಿಎಲ್ 13 ರಿಂದ ಅನಿವಾರ್ಯವಾಗಿ ಹೊರನಡೆಯಬೇಕಾಗಿದೆ ಎಂದು ಡೆಲ್ಲಿ ತಂಡ ಪ್ರಕಟಣೆಯಲ್ಲಿ ತಿಳಿಸಿದೆ.