ಐಪಿಎಲ್ 13: ಕಪ್ ಎತ್ಕೊಂಡು ಬರ್ಲಾ? ಡ್ಯಾನಿಶ್ ಸೇಠ್ ಪ್ರಶ್ನೆಗೆ ಅಭಿಮಾನಿಗಳ ಉತ್ತರವೇನು ಗೊತ್ತಾ?

ದುಬೈ: ರಾಯಲ್ ಚಾಲೆಂಜರ್ಸ್ ತಂಡದ ಪ್ರಚಾರಕರಾಗಿರುವ ನಟ ಡ್ಯಾನಿಶ್ ಸೇಠ್ ಯುಎಇನಲ್ಲಿ ಆರ್ ಸಿಬಿ ಪಂದ್ಯದ ವೇಳೆ ಮೈದಾನದಲ್ಲಿದ್ದ ಐಪಿಎಲ್ ಟ್ರೋಫಿ ತೋರಿಸಿ ಎತ್ಕೊಂಡು ಬರ್ಲಾ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪ್ರಶ್ನಿಸಿದ್ದಾರೆ.

ಡ್ಯಾನಿಶ್ ಹೀಗೆ ಕೇಳಿದರೆ ಅಭಿಮಾನಿಗಳು ಸುಮ್ನಿರ್ತಾರಾ? ಆರ್ ಸಿಬಿ ಅಭಿಮಾನಿಗಳು ಡ್ಯಾನಿಶ್ ಗೆ ಸರಿಯಾದ ಉತ್ತರವನ್ನೇ ಕೊಟ್ಟಿದ್ದಾರೆ. ನೀವೇನೂ ಎತ್ಕೊಂಡು ಬರೋದು ಬೇಡ. ಕೆಲವು ದಿನ ಅಲ್ಲೇ ಇರಲಿ, ನಾವೇ ಅದನ್ನು ಗೆದ್ಕೊಂಡು ಬರ್ತೇವೆ ಎಂದು ಕೆಲವರು ಹೇಳಿದರೆ, ಮತ್ತೆ ಕೆಲವರು ಯಾರಾದರೂ ಬರ್ತಾರಾ ಎಂದು ನಾವು ನೋಡ್ತೀವಿ, ನೀವು ಹೋಗಿ ಎತ್ಕೊಂಡು ಬನ್ನಿ ಎಂದು ತಮಾಷೆ ಮಾಡಿದ್ದಾರೆ.