ಐಪಿಎಲ್ ಆಯೋಜಿಸಿ ಭಾರೀ ಹಣ ಜೇಬಿಗಿಳಿಸಿಕೊಂಡ ಬಿಸಿಸಿಐ

ಮುಂಬೈ: ಐಪಿಎಲ್ ಎಂಬುದು ಶ್ರೀಮಂತ ಕ್ರೀಡಾಕೂಟ ಎನ್ನುವುದು ಮತ್ತೆ ಸಾಬೀತಾಗಿದೆ. ಕೊರೋನಾ ಬಂದು ಪ್ರೇಕ್ಷಕರೇ ಮೈದಾನಕ್ಕೆ ಬರದ ಸ್ಥಿತಿಯಲ್ಲಿ ಐಪಿಎಲ್ 13 ಆಯೋಜಿಸಿ ಸೈ ಎನಿಸಿಕೊಂಡ ಬಿಸಿಸಿಐ ಭಾರೀ ಪ್ರಮಾಣದಲ್ಲಿ ದುಡ್ಡೂ ಬಾಚಿಕೊಂಡಿದೆ ಎಂಬ ಸುದ್ದಿ ಬಂದಿದೆ.

ಒಂದು ವೇಳೆ ಈ ಬಾರಿ ಐಪಿಎಲ್ ಆಯೋಜಿಸದೇ ಇದ್ದರೆ ಬಿಸಿಸಿಐ 4000 ಕೋಟಿ ರೂ. ನಷ್ಟ ಅನುಭವಿಸಬೇಕಾಗುತ್ತದೆ ಎಂದು ಅಧ್ಯಕ್ಷ ಗಂಗೂಲಿ ಹೇಳಿದ್ದರು. ಆದರೆ ಯುಎಇನಲ್ಲಿ ಐಪಿಎಲ್ ಆಯೋಜಿಸಿದ ಬಿಸಿಸಿಐ ಈಗ 4000 ಕೋಟಿ ರೂ. ಆದಾಯ ಗಳಿಸಿದೆ. ಟಿವಿ ವ್ಯೂವರ್ ಶಿಪ್ ಕೂಡಾ ಈ ಬಾರಿ ದಾಖಲೆ ಮಾಡಿತ್ತು. ಈ ವಿಚಾರವನ್ನು ಸ್ವತಃ ಬಿಸಿಸಿಐ ಹೇಳಿಕೊಂಡಿದೆ.