ಸೌರವ್ ಗಂಗೂಲಿ ಬಿಡುಗಡೆ ಮಾಡಿದ ತಂಡದಲ್ಲಿ ಧೋನಿಗೆ ಸ್ಥಾನವೇ ಇಲ್ಲ!

ಕೋಲ್ಕೊತ್ತಾ: ಇದೀಗ ಒಬ್ಬೊಬ್ಬರೇ ಮಾಜಿ ಕ್ರಿಕೆಟರುಗಳ ತಮ್ಮ ಕನಸಿನ ಐಪಿಎಲ್ ತಂಡವನ್ನು ಘೋಷಿಸಿಕೊಳ್ಳುತ್ತಿದ್ದಾರೆ. ಶೇನ್ ವಾರ್ನ್ ನಂತರ ಇದೀಗ ಸೌರವ್ ಗಂಗೂಲಿ ತಮ್ಮ ಆಯ್ಕೆಯ ತಂಡವನ್ನು ಘೋಷಿಸಿದ್ದಾರೆ.

ಆದರೆ ಈ ತಂಡದಲ್ಲಿ ಧೋನಿಗೆ ಸ್ಥಾನವೇ ಇಲ್ಲ. ಭಾರತಕ್ಕೆ ಚೊಚ್ಚಲ ಕಿರು ಮಾದರಿಯ ವಿಶ್ವಕಪ್ ಗೆಲ್ಲಿಸಿಕೊಟ್ಟ ಧೋನಿ, ಈ ಮಾದರಿಯ ಶ್ರೇಷ್ಠ ಆಟಗಾರನಲ್ಲ ಎಂದು ಗಂಗೂಲಿ ಇತ್ತೀಚೆಗೆ ಹೇಳಿಕೆ ನೀಡಿದ್ದರು.

ಇದೀಗ ತಮ್ಮ ಹೇಳಿಕೆಗೆ ತಕ್ಕುದಾಗಿ ನಡೆದುಕೊಂಡ ಗಂಗೂಲಿ ಧೋನಿಯನ್ನು ತಮ್ಮ ತಂಡದಿಂದ ಹೊರಗಿಟ್ಟಿದ್ದಾರೆ. ಗಂಗೂಲಿ ಧೋನಿ ಬದಲಿಗೆ ವಿಕೆಟ್ ಕೀಪರ್ ಸ್ಥಾನಕ್ಕೆ ರಿಷಬ್ ಪಂತ್ ಗೆ ಮಣೆ ಹಾಕಿದ್ದಾರೆ.

ಗಂಗೂಲಿ ಕನಸಿನ ತಂಡದಲ್ಲಿ ವಿರಾಟ್ ಕೊಹ್ಲಿ, ಕನ್ನಡಿಗ ಮನೀಶ್ ಪಾಂಡೆ, ಎಬಿಡಿ ವಿಲಿಯರ್ಸ್, ಭುವನೇಶ್ವರ್ ಕುಮಾರ್, ಸ್ಟೀವ್ ಸ್ಮಿತ್ ಸ್ಥಾನ ಪಡೆದಿದ್ದಾರೆ. ಆದರೆ ಧೋನಿಯನ್ನು ಮಾತ್ರ ಕಡೆಗಣಿಸಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ