ಇಂಧೋರ್`ನಲ್ಲಿ ನಡೆದ ಕಿಂಗ್ಸ್ ಇಲೆವೆನ್ ಪಂಜಾಬ್ ಮತ್ತು ರೈಸಿಂಗ್ ಪುಣೆ ಸೂಪರ್ ಜೈಂಟ್ ನಡುವಿನ ಐಪಿಎಲ್ ಪಂದ್ಯದಲ್ಲಿ ಪಂಜಾಬ್ ತಂಡ 6 ವಿಕೆಟ್`ಗಳ ಭರ್ಜರಿ ದಾಖಲಿಸಿದೆ. 20 ಎಸೆತಗಳನ್ನ ಎದುರಿಸಿ 40 ರನ್ ಸಿಡಿಸಿದ ಕ್ಯಾಪ್ಟನ್ ಮ್ಯಾಕ್ಸ್`ವೆಲ್ ನಾಯಕನಾಗಿ ತಂಡವನ್ನ ಮುನ್ನಡೆಸಿದ ಮೊದಲ ಪಂದ್ಯದಲ್ಲೇ ಭರ್ಜರಿ ಜಯ ದಾಖಲಿಸಿದ್ದಾರೆ.
ಟಾಸ್ ಗೆದ್ದರೂ ಪಂಜಾಬ್ ಕ್ಯಾಪ್ಟನ್ ಮ್ಯಾಕ್ಸ್`ವೆಲ್ ಪುಣೆಗೆ ಬ್ಯಾಟಿಂಗ್ ಆಹ್ವಾನ ಕೊಟ್ಟರು. ಸ್ಮಿತ್ ನೇತ್ಋತ್ವದ ಪುಣೆ ತಂಡ 20 ಓವರ್`ಗಳಲ್ಲಿ 163 ರನ್`ಗಳ ಸಾಧಾರಣ ಮೊತ್ತ ಕಲೆಹಾಕಿತು. ಬೆನ್ ಸ್ಟೋಕ್ಸ್ 50 ರನ್ ಮತ್ತು ಮನೋಜ್ ತಿವಾರಿಯ 40 ರನ್ ತಂಡಕ್ಕೆ ಗೌರವಾನ್ವಿತ ಮೊತ್ತಕ್ಕೆ ನೆರವಾಯಿತು.
163 ರನ್`ಗಳ ಗುರಿ ಬೆನ್ನತ್ತಿದ ಉತ್ತಮ ಆರಂಭ ದೊರೆಯಿತು. ಆದರೂ ನಿಧಾನಗತಿಯ ಬ್ಯಾಟಿಂಗ್`ಗೆ ಮೊರೆಹೋಗಿದ್ದ ಬ್ಯಾಟಿಂಗ್ ಪಡೆಗೆ ವೇಗ ನೀಡಿದ್ದು, ಕ್ಯಾಪ್ಟನ್ ಗ್ಲೇನ್ ಮ್ಯಾಕ್ಸ್`ವೆಲ್. 20 ಎಸೆತಗಳಲ್ಲಿ 4 ಸಿಕ್ಸರ್ ಮತ್ತು 2 ಬೌಂಡರಿ ಸಹಿತ 44 ರನ್ ಸಿಡಿಸಿದ ಮ್ಯಾಕ್ಸ್`ವೆಲ್ ಗೆಲುವಿನ ಪತಾಕೆ ಹಾರಿಸಿದರು.
