ಹೈದರಾಬಾದ್: ಗೆಲುವಿಗೆ ಬೇಕಾಗಿದ್ದಿದ್ದು ಕೇವಲ 160 ರನ್. ಆದರೂ ಪಂಜಾಬ್ ತಂಡಕ್ಕೆ ಅದು ಕಬ್ಬಿಣದ ಕಡಲೆಯಾಗಿತ್ತು. ಅಂತಿಮವಾಗಿ ಹೈದರಾಬಾದ್ ತಂಡ ನಿನ್ನೆ ನಡೆದ ಐಪಿಎಲ್ ಪಂದ್ಯದಲ್ಲಿ 5 ರನ್ ಗಳಿಂದ ಗೆಲುವು ಕಂಡಿತು.
ಹಾಲಿ ಚಾಂಪಿಯನ್ ತಂಡ ಸನ್ ರೈಸರ್ಸ್ ಹೈದರಾಬಾದ್ ಪರ ನಾಯಕನ ಆಟವಾಡಿದ ಡೇವಿಡ್ ವಾರ್ನರ್ 70 ರನ್ ಗಳಿಸಿದರು. ನಮಾನ್ ಓಝಾ 34 ರನ್ ಗಳಿಸಿದರು. ಅದು ಬಿಟ್ಟರೆ ಅವರಿಗೆ ರನ್ ಗತಿ ಹೆಚ್ಚಿಸುವಂತಹ ಬ್ಯಾಟ್ಸ್ ಮನ್ ಸಿಗಲಿಲ್ಲ. ಹೀಗಾಗಿ ನಿಗದಿತ 20 ಓವರ್ ಗಳಲ್ಲಿ 159 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಆದರೆ ಹೈದರಾಬಾದ್ ಬೌಲರ್ ಗಳ ಶಿಸ್ತುಬದ್ಧ ದಾಳಿಗೆ ಪಂಜಾಬ್ ಆರಂಭಿಕ ಕುಸಿತ ಕಂಡಿತು. ಆಫ್ಘಾನಿಸ್ತಾನದ ಬೌಲರ್ ಗಳಾದ ಅಬ್ದುಲ್ ರಶೀದ್ ಮತ್ತು ಮೊಹಮ್ಮದ್ ನಬಿ ದಾಳಿಗೆ ಪಂಜಾಬ್ ದಿಕ್ಕಾಪಾಲಾಗಿತ್ತು. ಈ ಸಂದರ್ಭದಲ್ಲಿ ಮನನ್ ಓಹ್ರಾ ತಂಡಕ್ಕೆ ಆಸರೆಯಾದರು. ಅವರು ಇನ್ನೇನು ಗೆಲುವಿನ ದಡ ದಾಟಿಸಿಯೇ ಬಿಟ್ಟರು ಎನ್ನುವಾಗ ಭುವನೇಶ್ವರ ಕುಮಾರ್ ವಿಕೆಟ್ ಕಿತ್ತರು.
ಅಂತಿಮವಾಗಿ ಪಂಜಾಬ್ ಗೆ ಐದು ಬಾಲ್ ಗಳಿಂದ 9 ರನ್ ಅಗತ್ಯವಿತ್ತು. ಈ ಸಂದರ್ಭದಲ್ಲಿ ಅಂತಿಮ ಜೋಡಿ ಇಶಾಂತ್ ಶರ್ಮಾ ಮತ್ತು ಸಂದಿಪ್ ಶರ್ಮಾ ತಂಡವನ್ನು ಗೆಲುವಿನ ದಡ ಸೇರಿಸಲಾಗದೇ ನಿರಾಸೆ ಅನುಭವಿಸಿತು. 19.4 ಓವರ್ ಗಳಲ್ಲಿ ಆಲೌಟ್ ಆದ ಪಂಜಾಬ್ ಕೇವಲ 5 ರನ್ ಗಳಿಂದ ಸೋಲೊಪ್ಪಿಕೊಂಡಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
