ರಾಜ್ ಕೋಟ್: ಗುಜರಾತ್ ಲಯನ್ಸ್ ತಂಡ ಪ್ರಮುಖ ಆಲ್ ರೌಂಡರ್ ಡ್ವಾನ್ ಬ್ರಾವೋ ಅವರ ಅಲಭ್ಯತೆಯಿಂದಾಗಿ ಸಂಕಷ್ಟದಲ್ಲಿದೆ. ಈ ತಂಡಕ್ಕೀಗ ಟೀಂ ಇಂಡಿಯಾದ ಒಂದು ಕಾಲದ ಪ್ರಮುಖ ಆಲ್ ರೌಂಡರ್ ಆಗಿದ್ದ ಇರ್ಫಾನ್ ಪಠಾಣ್ ರನ್ನು ಕರೆಸಿಕೊಂಡಿದೆ.
ಇರ್ಫಾನ್ ಪಂಜಾಬ್, ಚೆನ್ನೈ, ಹೈದರಾಬಾದ್ ತಂಡದ ಪರ ಐಪಿಎಲ್ ಪಂದ್ಯದಲ್ಲಿ ಆಡಿದ್ದರು. ಕಳೆದ ಆವೃತ್ತಿಯಲ್ಲಿ ಪುಣೆ ತಂಡದ ಪರ ಆಡಿದ್ದರು. ಆದರೆ ಈ ಆವೃತ್ತಿಯಲ್ಲಿ 50 ಲಕ್ಷ ರೂ. ಮೂಲಧನದೊಂದಿಗೆ ಹರಾಜು ಪ್ರಕ್ರಿಯೆಯಲ್ಲಿದ್ದ ಅವರನ್ನು ಯಾವುದೇ ತಂಡ ಕೊಳ್ಳಲಿಲ್ಲ.
ಆದರೆ ಬ್ರಾವೋ ಗಾಯಗೊಂಡು ಐಪಿಎಲ್ ಕೂಟದಿಂದ ಹೊರ ನಡೆದ ಬೆನ್ನಲ್ಲೇ ಗುಜರಾತ್ ಲಯನ್ಸ್ ತಂಡ ಸ್ಥಳೀಯ ಪ್ರತಿಭೆಗೆ ಮಣೆ ಹಾಕಿದೆ. ಟ್ವಿಟರ್ ನಲ್ಲಿ ಲಯನ್ಸ್ ಸಮವಸ್ತ್ರ ಧರಿಸಿದ ಫೋಟೋ ಪ್ರಕಟಿಸಿದ ಇರ್ಫಾನ್ ‘ಈ ಅದ್ಭುತ ತಂಡದ ಭಾಗವಾಗುವುದನ್ನು ಎದುರು ನೋಡುತ್ತಿದ್ದೇನೆ’ ಎಂದು ಸಂದೇಶ ಬರೆದಿದ್ದಾರೆ.
ಇರ್ಫಾನ್ ಈ ಮೂಲಕ ಆರನೇ ಫ್ರಾಂಚೈಸಿ ತಂಡದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸದ್ಯ ಅಂಕಪಟ್ಟಿಯಲ್ಲಿ ಅಂತಿಮದಿಂದ ಎರಡನೇ ಸ್ಥಾನದಲ್ಲಿರುವ ಗುಜರಾತ್ 7 ಪಂದ್ಯಗಳಾಡಿದ್ದು, ಕೇವಲ ಎರಡರಲ್ಲಿ ಮಾತ್ರ ಗೆಲುವು ಕಂಡಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ