ಪೂರ್ವ ಚೀನಾದ ಹ್ಯಾಂಗ್ಜೂನಲ್ಲಿ ಬುಧವಾರ ಭೀಕರ ಅಪಘಾತ ನಡೆದಿದೆ. ಭಾರಿ ಗಾತ್ರದ ಟ್ರಕ್ ಒಂದು ಕಾರೊಂದಕ್ಕೆ ಗುದ್ದಿದ್ದಲ್ಲದೆ ಅದರ ಮೇಲೆ ಏರಿ ನಿಂತಿದೆ. ಅಪಘಾತದ ರಭಸಕ್ಕೆ ಕಾರು ನಜ್ಜುಗುಜ್ಜಾಗಿ ಹೋಗಿದೆ. ಅದರಲ್ಲಿದ್ದವರ ಕಥೆ ಏನಾಗಿರಬಹುದೆಂದು ನೀವೀಗಾಗಲೇ ಊಹಿಸಿಯೇ ಇರುತ್ತಿರಾ. ಆದರೆ ಅವರೆಲ್ಲರೂ ಪವಾಡಸದೃಶವಾಗಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಮಹಿಳೆ ಸೇರಿದಂತೆ ಕಾರಿನಲ್ಲಿ ಮೂವರಿದ್ದು ಗಂಭೀರವಾಗಿ ಗಾಯಗೊಂಡಿರುವ ಅವರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.
ಈ ಭೀಕರ ಘಟನೆಯ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿವೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋವೀಗ ವೈರಲ್ ಆಗಿ ಹರಿದಾಡುತ್ತಿದೆ.
