ತಾಲಿಬಾನಿಗಳಿಂದ ಗುಂಡು ಹಾರಿಸಿ ಸಂಭ್ರಮ: ಮಕ್ಕಳು ಸೇರಿದಂತೆ ಹಲವರ ಸಾವು

ಆಫ್ಘಾನಿಸ್ತಾವನ್ನು ವಶಪಡಿಸಿಕೊಂಡಿರುವ ತಾಲಿಬಾನಿಗಳು ಗುಂಡು ಹಾರಿಸಿ ಸಂಭ್ರಮ ಆಚರಿಸುವವೇಳೆ ಮಕ್ಕಳು ಸೇರಿದಂತೆ ಹಲವಾರು ಮೃತಪಟ್ಟಿದ್ದಾರೆ.
ಆಫ್ಘಾನಿಸ್ತಾನದ ಪನ್ಶೀರ್ ಅನ್ನು ವಶಪಡಿಸಿಕೊಂಡ ನಂತರ ತಾಲಿಬಾನಿಗಳು ಕಾಬೂಲ್ ನಲ್ಲಿ ಭಾರೀ ಪ್ರಮಾಣದಲ್ಲಿ ಗಾಳಿಯಲ್ಲಿ ಗುಂಡು ಹಾರಿಸಿ ಸಂಭ್ರಮ ಆಚರಿಸಿದರು. ಈ ವೇಳೆ ಆಕಸ್ಮಿಕವಾಗಿ ಗುಂಡು ತಗುಲಿ ಮಕ್ಕಳು ಸೇರಿದಂತೆ ಹಲವಾರು ಮಂದಿ ಅಸುನೀಗಿದ್ದಾರೆ ಎಂದು ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ.
ಪನ್ಶೀರ್ ಕೈವಶ ಮಾಡಿಕೊಳ್ಳುವ ಮೂಲಕ ತಾಲಿಬಾನಿಗಳು ಸಂಪೂರ್ಣವಾಗಿ ಆಫ್ಘಾನಿಸ್ತಾನವನ್ನು ವಶಪಡಿಸಿಕೊಂಡಂತಾಗಿದೆ. ನಮಗೆ ತೊಂದರೆ ಕೊಡುವವರು ಸೋತಿದ್ದಾರೆ ಎಂದು ತಾಲಿಬಾನಿ ವಕ್ತಾರ ಹೇಳಿಕೊಂಡಿದ್ದಾರೆ.