ಮಾಸ್ಕ್ ಬದಲು ಮಹಿಳೆಯರ ಒಳಉಡುಪು ತೊಟ್ಟ ಪ್ರಯಾಣಿಕ!

ನ್ಯೂಯಾರ್ಕ್: ಕೊರೋನಾ ಕಾರಣದಿಂದ ಎಲ್ಲಾ ಕಡೆ ಈಗ ಮಾಸ್ಕ್ ಕಡ್ಡಾಯವಾಗಿದೆ. ಆದರೆ ಮಾಸ್ಕ್ ಬಳಕೆಯನ್ನು ವಿರೋಧಿಸುವವರೂ ಇದ್ದಾರೆ. ಇದೇ ರೀತಿ ಮಾಡಲು ಹೋಗಿ ಅಮೆರಿಕಾದಲ್ಲಿ ಪ್ರಯಾಣಿಕನೊಬ್ಬ ವಿಮಾನದಿಂದ ಹೊರದಬ್ಬಿಸಿಕೊಂಡಿದ್ದಾನೆ.

ವಿಮಾನಗಳಲ್ಲಿ ಮಾಸ್ಕ್ ಬಳಕೆ ಕಡ್ಡಾಯ. ಆದರೆ ಆಹಾರ ಸೇವಿಸುವಾಗ ಮಾಸ್ಕ್ ತೆಗೆಯಬಹುದು. ಇದನ್ನು ವ್ಯಂಗ್ಯ ಮಾಡಲು ಹೋಗಿ ಪ್ರಯಾಣಿಕನೊಬ್ಬ ಮಹಿಳೆಯರ ಒಳಉಡುಪನ್ನು ಮಾಸ್ಕ್ ರೀತಿ ಮುಖಕ್ಕೆ ಹಾಕಿಕೊಂಡು ಬಂದಿದ್ದಾನೆ.

ಈತನ ಅವತಾರ ನೋಡಿ ವಿಮಾನ ಸಿಬ್ಬಂದಿ ತಕ್ಷಣವೇ ಆತನನ್ನು ವಿಮಾನದಿಂದ ಕೆಳಗಿಳಿಸಿದ್ದಾರೆ. ಪ್ರತಿಭಟನೆ ಮಾಡಲು ಹೋಗಿ ಎಲ್ಲರೆದುರು ಆ ವ್ಯಕ್ತಿಗೆ ಮುಖಭಂಗವಾಯಿತು.