ಕಂಬದ ಮೇಲೆ ಅಜ್ಜಿಯರ ಬಾಕ್ಸಿಂಗ್...( ಹೊಟ್ಟೆ ಹುಣ್ಣಾಗಿಸುವ ವಿಡಿಯೋ )

ಥೈಲ್ಯಾಂಡ್‌ನಲ್ಲೊಂದು ಅಪರೂಪದ ಮನೋರಂಜಕ ಸ್ಪರ್ಧೆ ನಡೆದಿದೆ. ಈ ಹಿಂದೆ ಗೆಳತಿಯರಾಗಿದ್ದ ವೃದ್ಧೆಯರಲ್ಲಿ ಬಾಕ್ಸಿಂಗ್ ಸ್ಪರ್ಧೆ ನಡೆದಿದೆ. ಅದು ನೆಲದ ಮೇಲಲ್ಲ. ನದಿಗೆ ಅಡ್ಡಲಾಗಿ ಹಾಕಿದ್ದ ಮರದ ಕಂಬದ ಮೇಲೆ.

ಹೌದು ಥೈಲ್ಯಾಂಡ್‌ನ ಉಡನ್ ಥಾನಿ ಗ್ರಾಮದಲ್ಲಿ ವೃದ್ಧೆಯರಿಬ್ಬರು ಬಾಕ್ಸಿಂಗ್ ನಡೆಸಿದ್ದಾರೆ. ಯೌವ್ವನದಿಂದಲೂ ಗೆಳತಿಯರಾಗಿದ್ದ ಇವರಿಬ್ಬರ ನಡುವೆ ಇತ್ತೀಚಿಗೆ ಭಿನ್ನಾಭಿಪ್ರಾಯಗಳು ಎದ್ದಿದ್ದವಂತೆ. ಅವರಿಬ್ಬರ ಕೋಳಿ ಜಗಳದ ಮಜಾ ಪಡೆಯುತ್ತಿದ್ದ ಗ್ರಾಮಸ್ಥರು ಅವರನ್ನು ಒಂದಾಗಿಸಲು ಸ್ಪರ್ಧೆಯನ್ನು ಏರ್ಪಡಿಸುವ ಯೋಜನೆ ಮಾಡಿ ಅದನ್ನು ಸಾಕಾರ ರೂಪಕ್ಕೆ ತಂದಿದ್ದಾರೆ.

ಆದರೆ ಅದು ಸಾಮಾನ್ಯ ಬಾಕ್ಸಿಂಗ್ ಆಗಿರಲಿಲ್ಲ. ನದಿಗೆ ಅಡ್ಡಲು ಹಾಕಿದ್ದ ಮರದ ಕಂಬದ ಮೇಲೆ ಅವರಿಬ್ಬರಿಗೆ ಕಾದಾಡಿಸಲಾಯ್ತು. ಬಾಕ್ಸಿಂಗ್ ಗ್ಲೌಸ್ ಹಾಕಿಕೊಂಡ ಅಜ್ಜಿಯರು ಕಂಬದ ಮೇಲೆ ಮಲಿಕೊಂಡೇ ಕಾದಾಟ ನಡೆಸಿದ್ದಾರೆ. ಸುಸ್ತಾದ ಅಜ್ಜಿ ನೀರಿಗೆ ಬೀಳುವುದರೊಂದಿಗೆ ಸ್ಪರ್ಧೆ ಕೊನೆಗೊಂಡಿದೆ. ಗೆದ್ದ ಅಜ್ಜಿ ಸಂಭ್ರಮವಂತೂ ಹೇಳತೀರದು. ಸ್ಪರ್ಧೆಯ ಬಳಿಕ ಅವರಿಬ್ಬರು ಭಿನ್ನಾಭಿಪ್ರಾಯ ಮರೆತು ಒಂದಾದರೇ? ಎಂಬುದು ತಿಳಿದು ಬಂದಿಲ್ಲ.

ನಕ್ಕು ನಕ್ಕು ಹೊಟ್ಟೆ ಹುಣ್ಣಾಗಿಸುವ ವಿಡಿಯೋವನ್ನು ನೀವು ನೋಡಿ