ಬಿಜೆಪಿ ನಾಯಕಿ, ಮಾಜಿ ಕೇಂದ್ರ ಸಚಿವೆ ನಿಧನ

ಮಾಜಿ ಕೇಂದ್ರ ಸಚಿವ, ಬಿಜೆಪಿ ಹಿರಿಯ ನಾಯಕಿ ಜೈವಂತಿ ಬೆನ್ ಮೆಹ್ತಾ ಭಾನುವಾರ-ರವಿವಾರ ನಡುವಿನ ರಾತ್ರಿ 1.30ಕ್ಕೆ ಮುಂಬೈನ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದಿದ್ದಾರೆ. ಕಳೆದ ಅನೇಕ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರಿಗೆ 78 ವರ್ಷ ವಯಸ್ಸಾಗಿತ್ತು.

ಅಟಲ್ ಬಿಹಾರಿ ಸಚಿವ ಸಂಪುಟದಲ್ಲಿ 1996ರಿಂದ 1999ರವರೆಗೆ ಅವರು ಸಚಿವೆಯಾಗಿ ಕಾರ್ಯ ನಿರ್ವಹಿಸಿದ್ದರು. ಅತ್ಯಂತ ಕೆಳಹಂತದಿಂದ ಹಂತಹಂತವಾಗಿ ರಾಜಕೀಯದ ಮೆಟ್ಟಿಲುಗಳನ್ನು ಏರಿದ ಅವರು ಸಮರ್ಥ ಜನಪ್ರತಿನಿಧಿ ಎನ್ನಿಸಿಕೊಂಡಿದ್ದರು. 

ಕಳೆದ 6 ವರ್ಷಗಳ ಹಿಂದೆ ಅವರು ತಮ್ಮ ಬಹುಭಾಷಿ ಆತ್ಮಕಥೆ 'ಮಾರ್ಚಿಂಗ್ ವಿದ್ ಟೈಮ್‌'ನ್ನು ಬರೆದಿದ್ದರು. ಅದರಲ್ಲಿ ಅವರು ಒಂದು ಮಧ್ಯಮವರ್ಗದ ಗೃಹಿಣಿಯಾಗಿದ್ದ ತಾವು ಪಾಲಿಕೆ ಸದಸ್ಯೆ, ಸಂಸದೆ ಬಳಿಕ ಕೇಂದ್ರ ಸಚಿವೆಯಾದ ಯಾತ್ರೆಯನ್ನು ವಿವರಿಸಿದ್ದಾರೆ. 

ಹಿರಿಯ ನಾಯಕಿ ನಿಧನಕ್ಕೆ ಪ್ರಧಾನಿ ಮೋದಿ, ಕೇಂದ್ರ ಸಚಿವರು, ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಸೇರಿದಂತೆ ವಿವಿಧ ಪಕ್ಷಗಳ ಗಣ್ಯರು ಸಂತಾಪ ಸೂಚಿಸಿದ್ದಾರೆ. 

ಅವರ ಅಂತಿಮ ಸಂಸ್ಕಾರವನ್ನು ಇಂದು ಸಂಜೆ ಶಿವಾಜಿ ಪಾರ್ಕ್‌ನಲ್ಲಿರುವ ಸ್ಮಶಾನದಲ್ಲಿ ನೆರವೇರಿಸಲಾಗುವುದು ಎಂದು ಪಕ್ಷದ ಮೂಲಗಳು ತಿಳಿಸಿವೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ