ಸೆಕ್ಸ್ ಗೊಂಬೆಯನ್ನು ಸ್ವರ್ಗದಿಂದ ಇಳಿದ ದೇವತೆಯೆಂದು ಭ್ರಮಿಸಿದ ಜನರು

ಇಂಡೋನೇಶಿಯಾದ ಸುಲವೇಸಿ ಪ್ರಾಂತ್ಯದ ಬಾಂಗಿ ದ್ವೀಪದಲ್ಲಿ  ಸೋಜಿಗದ ಸಂಗತಿ ಸಂಭವಿಸಿದೆ. ಅಲ್ಲಿನ ಮೀನುಗಾರರು ಮೀನು ಹಿಡಿಯಲು ಸಮುದ್ರಕ್ಕೆ ಇಳಿದಿದ್ದಾಗ ಬಾಲಕಿಯ ಗೊಂಬೆಯೊಂದು ಸಿಕ್ಕಿತು. ಅದು ತಮ್ಮನ್ನು ರಕ್ಷಿಸಲು ಬಂದಿರುವ ದೇವತೆಯೆಂದು ಊರಿನ ಜನರು ಭಾವಿಸಿದರು. ಕಾಲುಪಪ್ಪಿ ಗ್ರಾಮದ ಮೀನುಗಾರರ ಕುಟುಂಬ ಆ ಗೊಂಬೆಗೆ ತಲೆಯಿಂದ ಪಾದದವರೆಗೆ ಉಡುಪಿನಿಂದ ಅಲಂಕರಿಸಿ ತಲೆಯ ಮೇಲೆ ಹಿಜಬ್ ಸಹ ಹಾಕಿದರು. 

 ಜನರು ಆ ಗೊಂಬೆಯನ್ನು ದೋಣಿವಿಹಾರಕ್ಕೆ ಮತ್ತು ಸಮುದ್ರದಲ್ಲಿ ಸಾಹಸಕ್ಕೆ ಒಯ್ಯುತ್ತಿದ್ದರು. ಗೊಂಬೆಯ ಚಿತ್ರವು ಅಂತರ್ಜಾಲದಲ್ಲಿ ಹರಿದಾಡಿದಾಗ ಪೊಲೀಸ್ ಇಲಾಖೆ ಅದನ್ನು ಗಾಳಿತುಂಬುವ  ಸೆಕ್ಸ್ ಗೊಂಬೆಯೆಂದು ಮನಗಂಡು ವಶಕ್ಕೆ ಪಡೆದರು.  ಸೆಕ್ಸ್ ಗೊಂಬೆಯು ಬಿಡದಾರಿ ಅಂದರೆ ದೇವತೆಯ ಆತ್ಮವೆಂದು ಸ್ಥಳೀಯ ಭಾಷೆಯಲ್ಲಿ ಕರೆಯುತ್ತಿದ್ದರು. ಸ್ಥಳೀಯರು ಅದನ್ನು ಪತ್ತೆಹಚ್ಚಿದಾಗ ಅದು ದಾರಿ ತಪ್ಪಿದ ಮಗುವಿನಂತೆ ಅಳುತ್ತಿತ್ತೆಂದು ಹೇಳಿದ್ದಾರೆ.

ಇಂಡೋನೇಶಿಯಾದ ಜನರಿಗೆ ಆತ್ಮಗಳು ಮತ್ತು ದೇವತೆಯರ ಅಸ್ತಿತ್ವ ಕುರಿತು ಪ್ರಬಲ ನಂಬಿಕೆಯಿದ್ದು ಅವುಗಳನ್ನು ಬಿಡದಾರಿ ಎಂದು ಕರೆಯುತ್ತಾರೆ. ಸೂರ್ಯಗ್ರಹಣ ಸಂಭವಿಸಿದ ಮರುಗಳಿಗೆಯೇ ಈ ಗೊಂಬೆ ಸಿಕ್ಕಿದ್ದರಿಂದ ಇದು ಸ್ವರ್ಗದಿಂದ ಇಳಿದುಬಂದ ನಿಗೂಢ ದೇವತೆ ಎಂದೇ ಭಾವಿಸಿದ್ದರು. ಆದರೆ ಆ ಗೊಂಬೆಯನ್ನು ವಾಸ್ತವವಾಗಿ ಯಾವುದಕ್ಕೆ ಬಳಸಲಾಗುತ್ತಿತ್ತು ಎಂಬ ಕಲ್ಪನೆಯೇ ಗ್ರಾಮದ ಜನರಿಗೆ ಇರಲಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ .