ಐಸಿಸ್ ಉಗ್ರ ನಾಯಕನ ಕೊಲ್ಲಲು ನೆರವಾಗಿದ್ದು ಇದೇ ನಾಯಿ

ನ್ಯೂಯಾರ್ಕ್: ಸಿರಿಯಾದಲ್ಲಿ ತನ್ನ ಸಾಮ್ರಾಜ್ಯ ಸ್ಥಾಪಿಸಿ ಜಗತ್ತಿನಾದ್ಯಂತ ಉಗ್ರವಾದದ ವಿಷಬೀಜ ಬಿತ್ತುತ್ತಿದ್ದ ಐಸಿಸ್ ಉಗ್ರ ಸಂಘಟನೆಯ ಮುಖ್ಯಸ್ಥ ಅಲ್ ಬಗ್ದಾದಿಯನ್ನು ಕೊಲ್ಲಲು ನೆರವಾಗಿದ್ದು ಒಂದು ನಾಯಿ!

ಈ ಮಿಲಿಟರಿ ನಾಯಿಯ ಫೋಟೋವನ್ನು ಇದೀಗ ಅಮೆರಿಕಾ ಅಧ‍್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ. ಅಲ್ಲದೆ, ನಾಯಿಯ ಸಾಹಸವನ್ನು ಕೊಂಡಾಡಿದ್ದಾರೆ.

ಅಮೆರಿಕಾ ಮಿಲಿಟರಿಗೆ ಸೇರಿದ ನಾಯಿಯ ಫೋಟೋ ಬಿಡುಗಡೆ ಮಾಡಿರುವ ಟ್ರಂಪ್ ಐಸಿಸ್ ಉಗ್ರ ನಾಯಕನನ್ನು ಸದೆಬಡಿಯುವಲ್ಲಿ ಈ ನಾಯಿ ಪ್ರಮುಖ ಪಾತ್ರ ವಹಿಸಿದೆ ಎಂದಿದ್ದಾರೆ. ತಪ್ಪಿಸಿಕೊಳ್ಳಲು ಯತ್ನಿಸಿದ ಉಗ್ರ ನಾಯಕನನ್ನು ಬೆನ್ನಟ್ಟಿ ಆತನೇ ಜೀವ ಕೊನೆಗಾಣಿಸುವಂತೆ ಮಾಡಿದ ದಿಟ್ಟ ನಾಯಿ ಇದಾಗಿದೆ. ಈ ಸಂದರ್ಭದಲ್ಲಿ ನಾಯಿಗೆ ಗಾಯವಾಗಿತ್ತು. ಈಗ ಚೇತರಿಸಿಕೊಳ್ಳುತ್ತಿದೆ ಎನ್ನಲಾಗಿದೆ.