ಮರುಬಳಕೆ ಕಾಗದ ಸಂಶೋಧಿಸಿದ ಚೀನಾ

ಕಾಗದದ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸಂಶೋಧನೆಗಿಳಿದ ಚೀನಾದ ವಿಜ್ಞಾನಿಗಳು ಕಡಿಮೆ ವೆಚ್ಚದ, ಮರುಬಳಕೆಯ ಪರಿಸರ ಸ್ನೇಹಿ ಕಾಗರದವನ್ನು ತಯಾರಿಸಿದ್ದಾರೆ.

ಶಾದೊಂದ್ ವಿಶ್ವವಿದ್ಯಾಲಯದ ಸಂಶೋಧಕರಾದ ಟಿಂಗ್ ವಾಂಗ್, ದೈರಾಂಗ್ ಚೆನ್ ನೇತೃತ್ವದಲ್ಲಿ ಟಂಗ್‌ಸ್ಟನ್ ಆಕ್ಸೈಡ್ ಮತ್ತು ಪಾಲಿವಿನೈಲ್ ಪೈರೊಲಿಡೊನ್ ಮಿಶ್ರಣದಿಂದ  ಮರುಬಳಕೆ ಮಾಡಬಹುದಂತಹ ಕಾಗದವನ್ನು ತಯಾರಿಸಿದ್ದಾರೆ.

ಈ ಹಾಳೆ ಮಾದರಿ ವಸ್ತುವಿನ ಮೇಲೆ ಮುದ್ರಿತವಾದ ಚಿತ್ರ ಅಥವಾ ಅಕ್ಷರವನ್ನು 30 ಸೆಕೆಂಡ್ ನೇರಳಾತೀತ ಬೆಳಕಿಗೆ ಹಿಡಿದಾಗ ಅದು ಬಿಳಿ ಬಣ್ಣದಿಂದ ದಟ್ಟ ನೀಲಿ ಬಣ್ಣಕ್ಕೆ  ತಿರುಗುತ್ತದೆ. ಹೀಗಾಗಿ ಮುದ್ರಿತ ಭಾಗವನ್ನು ಅಳಿಸಬಹುದು. ಕಾಗದದ ಮೇಲನ ಬಣ್ಣವನ್ನು ಅಳಿಸಲು 30 ನಿಮಿಷ ಅದನ್ನು ಬಿಸಿ ಮಾಡಿದರಾಯಿತು.ಇದನ್ನು 40 ಬಾರಿ ಬಳಸಬಹುದು ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. 

ಇಂತಹ ಕಾಗದ ಬಳಕೆಗೆ ಬಂದರೆ ಮರಗಳ ಮಾರಣಹೋಮವನ್ನು ತಗ್ಗಿಸಬಹುದು ಎಂದು ಪರಿಸರವಾದಿಗಳು ಸಂತಷ ವ್ಯಕ್ತ ಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ