ವಿವಾಹದ ವರ್ಷಾಚರಣೆಗೆ ಗಿಫ್ಟ್ ಕೇಳಿದ್ರೆ ವಿಚ್ಚೇದನ ನೀಡಿದ ಪತಿ: ಇಮ್ರಾನ್ ಖಾನ್ ಪತ್ನಿ

ವೈವಾಹಿಕ ವರ್ಷಾಚರಣೆಗೆ ಉಡುಗೊರೆ ನೀಡುವಂತೆ ಕೋರಿದರೆ ವಿಚ್ಚೇದನ ನೀಡಿದ್ದಾರೆ ಎಂದು ಪಾಕಿಸ್ತಾನದ ಕ್ರಿಕೆಟಿಗ ಕಂ ರಾಜಕಾರಣಿ ಇಮ್ರಾನ್ ಖಾನ್ ಮಾಜಿ ಪತ್ನಿ ರೆಹಮ್ ಆರೋಪಿಸಿದ್ದಾಳೆ.  

ಸುದ್ದಿ ಸಂಸ್ಥೆಗೆ ಸಂದರ್ಶನ ನೀಡಿದ ರೆಹಮ್, ಕಳೆದ ಆಕ್ಟೋಬರ್ 31 ರಂದು ಜೋಕ್‌ಗಾಗಿ ನಾನು ಪತಿಗೆ ವಿವಾಹದ ವರ್ಷಾಚರಣೆಯ ದಿನದಂದು ಉಡುಗೊರೆ ನೀಡುವಂತೆ ಕೋರಿದ್ದೆ. ಆದರೆ, ಕೊಡುಗೆ ಬದಲಿಗೆ ನಿಜವಾಗಿಯೂ ವಿಚ್ಚೇದನ ನೀಡಿದರು ಎಂದು ಹೇಳಿದ್ದಾಳೆ.

ಪಾಕಿಸ್ತಾನದ ತೆಹ್ರಿಕ್-ಎ-ಇನ್ಸಾಫ್ ಪಕ್ಷದ ಮುಖ್ಯಸ್ಥ ಇಮ್ರಾನ್ ಖಾನ್ ವಿರುದ್ಧ ವಾಗ್ದಾಳಿ ನಡೆಸಿದ ರೆಹಮ್, ಪಾಕಿಸ್ತಾನಕ್ಕೂ ಕೂಡಾ ಇಂತಹ ಕೃತ್ಯ ಮಾಡದಿರಲಿ ಎಂದು ಪ್ರಾರ್ಥಿಸುವುದಾಗಿ ತಿಳಿಸಿದ್ದಾಳೆ.

ಷರೀಫ್ ಸರಕಾರದ ವಿರುದ್ಧದ ಹೋರಾಟಕ್ಕಾಗಿ ನವೆಂಬರ್ 2 ರಂದು ರಾಜಧಾನಿ ಇಸ್ಲಾಮಾಬಾದ್ ಬಂದ್ ಮಾಡಲು ದೇಶಾದ್ಯಂತವಿರುವ ಪಕ್ಷದ ಕಾರ್ಯಕರ್ತರು ತಮ್ಮ ನಿವಾಸಕ್ಕೆ ಆಗಮಿಸಬೇಕು ಎಂದು ಇಮ್ರಾನ್ ಖಾನ್ ಕರೆ ನೀಡಿದ್ದಾರೆ.

ಟಿವಿ ಪತ್ರಕರ್ತೆ ರೆಹಮ್ ಅವರೊಂದಿಗೆ 10 ತಿಂಗಳ ಹಿಂದೆ ವಿವಾಹವಾದ ಇಮ್ರಾನ್ ಖಾನ್, ಇದೀಗ ವಿಚ್ಚೇದನ ನೀಡಿ ದಾಂತ್ಯ ಜೀವನ ಅಂತ್ಯಗೊಳಿಸಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ