40 ವರ್ಷದ ವಿಚ್ಛೇದಿತಾ ಮಹಿಳೆಯೊಬ್ಬಳು ಮೂವರು ಹದಿ ಹರೆಯದ ಬಾಲಕರನ್ನ ತನ್ನ ಕಾಮತೃಷೆ ತೀರಿಸಿಕೊಳ್ಳಲು ಬಳಸಿಕೊಂಡು ಜೈಲು ಪಾಲಾಗಿರುವ ಘಟನೆ ಲಂಡನ್ನಿನಲ್ಲಿ ನಡೆದಿದೆ.
ಲೈಂಗಿಕ ದೌರ್ಜನ್ಯವೆಸಗಿ ಜೈಲುಪಾಲಾದ ಮಹಿಳೆಯನ್ನ 40 ವರ್ಷದ ಬೆವರ್ಲಿ ಟಿಲ್ಲೈರ್ ಎಂದು ಗುರ್ತಿಸಲಾಗಿದೆ. ತನ್ನ ಮನೆಯಲ್ಲೆ ಬಾಲಕರಿಗೆ ಗುಂಡಿನ ಪಾರ್ಟಿ, ಮಾದಕ ವಸ್ತು ಸೇವನೆ ಅವಕಾಶ ಕೊಡುತ್ತಿದ್ದ ಈಕೆ ಬಳಿಕ ಅವರನ್ನ ತನ್ನ ಕಾಮದ ಹಸಿವು ತೀರಿಸಿಕೊಳ್ಳಲು ಬಳಸಿಕೊಳ್ಳುತ್ತಿದ್ದಳು. ಅಷ್ಟೆ ಅಲ್ಲ, ಲೈಂಗಿಕ ಕ್ರಿಯೆಯ ವಿಡಿಯೋ ಮಾಡಿ ಅದನ್ನ ಪದೇ ಪದೇ ನೋಡಿ ವಿಕೃತ ಸಂತೋಷ ಅನುಭವಿಸುತ್ತಿದ್ದಳು.
2008ರಲ್ಲಿ ತಾನು 30 ವರ್ಷದವಳಾಗಿದ್ದಾಗ ಬೆವರ್ಲಿ ಈ ಲೈಂಗಿಕ ಶೋಷಣೆ ಮಾಡಿದ್ದು, ಮೊದಲ ಬಾಲಕನ ಜೊತೆ 6 ಬಾರಿ ನಿರಂತರ ಲೈಂಗಿಕ ಸಂಪರ್ಕ ನಡೆಸಿದ್ದಳು. ಎರಡನೆಯವನ ಜೊತೆ 2 ಬಾರಿ ಮತ್ತು ಮೂರನೆಯವನ ಜೊತೆ 1 ಬಾರಿ ಸಂಪರ್ಕ ಬೆಳೆಸಿದ್ದಳು. ಈಕೆಯ ಜೊತೆ ಸೆಕ್ಸ್ ಮಾಡಿದ ಬಾಲಕರೆಲ್ಲ 14 ವರ್ಷದೊಳಗಿನವರು.
ಬಾಲಕನೊಬ್ಬ ತನ್ನನ್ನ ಮಹಿಳೆ ಬಳಸಿಕೊಂಡ ಬಗ್ಗೆ ಪೋಷಕರಿಗೆ ಹೇಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಪೋಷಕರ ದೂರಿನ ಮೇಲೆ ಆಪಾದಿತ ಮಹಿಳೆಯನ್ನ ವಿಚಾರಿಸಿದಾಗ ಮೊದ ಮೊದಲು ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾಳೆ. ಬಾಲಕರ ನನ್ನ ಮೇಲೆ ರೇಪ್ ಮಾಡಿದರೆಂದು ಡ್ರಾಮಾ ಮಾಡಿದ್ದಾಳೆ. ಬಳಿಕ ತಪ್ಪೊಪ್ಪಿಕೊಂಡಿದ್ದಾಳೆ. ಮಾನಸಿಕ ಸಮಸ್ಯೆಯಿಂದ ಹೀಗೆ ಮಾಡಿದ್ದಾಗಿ ಹೇಳಿದ್ದಾಳೆ. ಆದರೂ ಈಕೆಯ ವಾದ ಒಪ್ಪದ ಕೋರ್ಟ್ ನೀನು ಪ್ರಭುದ್ಧಳಾಗಿ ಜವಾಬ್ದಾರಿಯಿಂದ ನಡೆದುಕೊಳ್ಳದೆ ಲೈಂಗಿಕವಾಗಿ ಬಳಸಿಕೊಂಡಿದ್ದು ತಪ್ಪು ಎಂದು ತೀರ್ಪು ನೀಡಿದ್ದು, ಎರಡೂವರೆ ವರ್ಷ ಶಿಕ್ಷೆ ವಿಧಿಸಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
