ಮೂತ್ರ ವಿಸರ್ಜನೆ ಮಾಡಿದ ವ್ಯಕ್ತಿಗೆ 1 ವರ್ಷ ಜೈಲು!

ಕ್ಯಾನ್ಬೆರಾ : ನ್ಯೂಜಿಲೆಂಡ್ನ ಪ್ರಯಾಣಿಕನೊಬ್ಬ ವಿಮಾನ ಆಸ್ಟ್ರೇಲಿಯಾಗೆ ಬಂದಿಳಿಯುತ್ತಿದ್ದಂತೆ ತನ್ನ ಸೀಟಿನಲ್ಲಿ ಕುಳಿತುಕೊಂಡೇ ಮೂತ್ರ ವಿಸರ್ಜನೆ ಮಾಡಿ ವಿಕೃತಿ ಮೆರೆದಿರುವ ಘಟನೆ ನಡೆದಿದೆ.

72 ವರ್ಷದ ಜೇಮ್ಸ್ ಹ್ಯೂಸ್ ಎಂಬ ವ್ಯಕ್ತಿ ಬಾಲಿಯಿಂದ ಬ್ರಿಸ್ಬೇನ್ಗೆ ಪ್ರಯಾಣಿಸುತ್ತಿದ್ದ ವೇಳೆ ಈ ವಿಕೃತಿ ಮೆರೆದಿದ್ದು, ಬ್ರಿಸ್ಬೇನ್ ನ್ಯಾಯಾಲಯ 1 ವರ್ಷ ಸಾಧಾರಣ ಜೈಲು ಶಿಕ್ಷೆ ವಿಧಿಸಿದೆ. 

ವ್ಯಕ್ತಿ ಮೂತ್ರ ವಿಸರ್ಜನೆ ಮಾಡಿ ವಿಕೃತಿ ಎಸಗಿದ ಬಳಿಕ, ಆಸ್ಟ್ರೇಲಿಯಾದ ಫೆಡರಲ್ ಪೊಲೀಸರು ಬ್ರಿಸ್ಬೇನ್ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಅಲ್ಲಿ ವ್ಯಕ್ತಿ ತಪ್ಪೊಪ್ಪಿಕೊಂಡಿದ್ದಾನೆ. ಪ್ರಯಾಣದ ವೇಳೆ ತಾನು ಸಣ್ಣ-ಸಣ್ಣ ಬಾಟಲಿಗಳ ವೈನ್ ಸೇವಿಸಿದ್ದಾನೆ.

ವಿಮಾನ ಇಳಿಯುತ್ತಿದ್ದ ವೇಳೆ ವಿಸರ್ಜನೆ ಮಾಡಿದ್ದಾನೆ. ಇದರಿಂದ ವಿಮಾನ ಪ್ರಯಾಣ 6 ಗಂಟೆ ವಿಳಂಬವಾಗಿದೆ. ಹಾಗಾಗಿ ಕೃತ್ಯ ಎಸಗಿದ ವ್ಯಕ್ತಿಗೆ ನ್ಯಾಯಾಲಯ 1 ವರ್ಷಗಳ ಸಾಧಾರಣ ಕಾರಾಗೃಹ ಶಿಕ್ಷೆ ವಿಧಿಸಿದೆ.