ಅಷ್ಟೊಂದು ಪ್ರಶಸ್ತಿ ಇದ್ದರೂ ಹೆದರಿಕೆಯಿಂದಲೇ ಬದುಕಿದ್ದ ಫ್ರೀಡಾ!
ಎಂಟು ಆಸ್ಕರ್ ಪ್ರಶಸ್ತಿಯನ್ನು ಬಾಚಿಕೊಂಡ 'ಸ್ಲಂ ಡಾಗ್ ಮಿಲಿಯನೇರ್' ಚಿತ್ರದ ನಾಯಕಿ ಫ್ರೀಡಾ ಪಿಂಟೋ, ಅಮೋಘ ಯಶಸ್ಸಿನ ನಂತರ ಅವಕಾಶ ವಂಚಿತಳಾಗಿ ಹೆದರಿಕೆಯಿಂದಲೇ ಕಾಲಕಳೆದಿದ್ದರಂತೆ. '
ಸ್ಲಂ ಡಾಗ್ ಮಿಲಿಯನೇರ್' ಚಿತ್ರದ ಅಭೂತಪೂರ್ವ ಯಶಸ್ಸಿನ ನಂತರ ಯಾವುದೇ ಅವಕಾಶವಿಲ್ಲದೆ ಚಿಂತಾಕ್ರಾಂತಳಾಗಿದ್ದೆ ಎಂದು ಹೇಳಿರುವ ಇಪ್ಪತ್ತಾರು ವರ್ಷದ ಈ ನಟಿ, ನನ್ನ ಬಳಿ ತುಂಬಾ ಪ್ರಶಸ್ತಿಗಳಿದ್ದವು ಆದರೆ ಅದರಿಂದ ಏನೂ ಆಗಲಿಕ್ಕಿಲ್ಲ ಎಂಬ ಹೆದರಿಕೆಯಿಂದಲೇ ಬದುಕಿದ್ದೆ ಎಂದಿದ್ದಾರೆ. ಅವಕಾಶಕ್ಕಾಗಿ ಕಾಯುತ್ತಿದ್ದ ಫ್ರೀಡಾಗೆ 'ರೈಸ್ ಆಫ್ ದ ಎಪ್ಸ್' ಚಿತ್ರಕ್ಕೆ ನಟಿಸಲು ಆಹ್ವಾನ ಬಂದಿತ್ತು. ಆ ಸಂದರ್ಭದಲ್ಲಿ ಅವರು ಈ ವಿಷಯವನ್ನು ಹೇಳಿಕೊಂಡಿರುವುದಾಗಿ ವರದಿಯಾಗಿದೆ. ಜೇಮ್ಸ್ ಫ್ರಾಂನ್ಕೊ ನಾಯಕನಾಗಿ ನಟಿಸಲಿರುವ ಈ ಚಿತ್ರ ನೈಜ ಕಥೆಯನ್ನಾದರಿಸಿದೆ.
