ಊಟವಾದ ತಕ್ಷಣ ಸಿಹಿ ತಿನ್ನುವ ಬಯಕೆಯಾಗುವುದು ಯಾಕೆ ಗೊತ್ತಾ?!

ಬೆಂಗಳೂರು: ತುಂಬಾ ಹಸಿವಾದಾಗ ಏನೆಲ್ಲಾ ಸಿಗುತ್ತೋ ಎಲ್ಲವನ್ನೂ ತಿಂದು ಬಿಡಬೇಕೆನಿಸುತ್ತದೆ. ಹಾಗೇ ಏನೇ ಊಟ ಮಾಡಿದರೂ, ಊಟ ಮಾಡಿದ ತಕ್ಷಣ ನಮಗೆ ಸ್ವಲ್ಪ ಸಿಹಿ ತಿಂದರೆ ಚೆನ್ನ ಎನಿಸುತ್ತದೆ.

ಯಾಕೆ ನಮಗೆ ಊಟವಾದ ತಕ್ಷಣ ಸಿಹಿ ತಿನ್ನುವ ಮನಸ್ಸಾಗುತ್ತದೆ? ನಮ್ಮ ನಾಲಿಗೆ ಯಾಕೆ ಸಕ್ಕರೆ ಬಯಸುತ್ತದೆ? ಅದಕ್ಕೆ ಒಂದು ಕಾರಣವಿದೆ.

ಹೊಟ್ಟೆ ತುಂಬಾ ಊಟ ಮಾಡಿದ ಮೇಲೆ ಅದು ಜೀರ್ಣವಾಗಬೇಕಾದರೆ ನಮ್ಮ ದೇಹದಲ್ಲಿರುವ ಶಕ್ತಿ ಹೆಚ್ಚಿನ ಪಾಲು ಖರ್ಚಾಗುತ್ತದೆ. ದೇಹಕ್ಕೆ ಮತ್ತೆ ಶಕ್ತಿ ಬೇಕಾದರೆ, ಗ್ಲುಕೋಸ್ ಅಥವಾ ಸಕ್ಕರೆ ಅಂಶವಿರುವ ಆಹಾರದ ಅಗತ್ಯವಿರುತ್ತದೆ.

ಹೀಗಾಗಿಯೇ ಈ ಸಂದರ್ಭದಲ್ಲಿ ಸಿಹಿ ಆಹಾರ ವಸ್ತು ಸೇವಿಸುವ ಬಯಕೆಯಾಗುತ್ತದೆ. ಅದಲ್ಲದೆ ರಕ್ತದಲ್ಲಿ ಸಕ್ಕರೆ ಮಟ್ಟ ಹೆಚ್ಚು ಕಡಿಮೆಯಿದ್ದರೂ, ಈ ಸಮಸ್ಯೆ ಎದುರಾಗಬಹುದು. ಇದು ದೇಹದಲ್ಲಿ ರಕ್ತದ ಅಂಶ ಸಮತೋಲದಲ್ಲಿಡುವ ಕ್ರಿಯೆ ಅಷ್ಟೇ. ಒಂದು ವೇಳೆ ಸಕ್ಕರೆ ಅಂಶ ನಿಯಂತ್ರಣದಲ್ಲಿಡಬೇಕಾದ ಆರೋಗ್ಯ ಸ್ಥಿತಿ ನಿಮ್ಮದಾಗಿದ್ದರೆ, ನಾಲಿಗೆ ಚಪಲಕ್ಕೆ ಕಡಿವಾಣ ಹಾಕುವುದು ಒಳ್ಳೆಯದು.

http://kannada.fantasycricket.webdunia.com
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ