ಕುಚ್ಚಿಲು ಅಕ್ಕಿ ಬೆಳ್ತಿಗೆ ಅಕ್ಕಿ? v/s ನಮ್ಮ ಆರೋಗ್ಯಕ್ಕೆ ಯಾವುದು ಒಳ್ಳೆಯದು?

ಬೆಂಗಳೂರು: ಕರ್ನಾಟಕದ ಕರಾವಳಿ ಭಾಗದಲ್ಲಿ ಕುಚ್ಚಿಲು ಅಕ್ಕಿ ಅನ್ನ ಸೇವಿಸುವವರು ಜಾಸ್ತಿ. ಕರ್ನಾಟಕದ ಉತ್ತರ ಭಾಗಕ್ಕೆ ಬಂದಂತೆ ಬೆಳ್ತಿಗೆ ಅನ್ನ ಊಟ ಮಾಡುವವರ ಸಂಖ್ಯೆ ಜಾಸ್ತಿ. ಇದರಲ್ಲಿ ಆರೋಗ್ಯಕ್ಕೆ ಯಾವುದು ಉತ್ತಮ ಎಂದು ನೋಡೋಣ.

ನಾರಿನಂಶ: ಕುಚ್ಚಿಲು ಅಕ್ಕಿಯಲ್ಲಿ ನಾರಿನಂಶ ಜಾಸ್ತಿ ಎನ್ನಲಾಗುತ್ತದೆ. ನಾರಿನಂಶ ಅಥವಾ ಫೈಬರ್ ನಮ್ಮ ದೇಹಕ್ಕೆ ಅತ್ಯಗತ್ಯ. ಜೀರ್ಣಕ್ರಿಯೆಗೆ ಇದು ತೀರಾ ಅನಿವಾರ್ಯ. ಬೆಳ್ತಿಗೆ ಅನ್ನಕ್ಕೆ ಹೋಲಿಸಿದರೆ ಕುಚ್ಚಿಲು ಅಕ್ಕಿಯಲ್ಲಿ ನಾರಿನಂಶ ಜಾಸ್ತಿ.

ಮ್ಯಾಗ್ನಿಶಿಯಂ: ಮ್ಯಾಗ್ನಿಶಿಯಂ ಎನ್ನುವುದು ದೇಹಕ್ಕೆ ಬೇಕಾದ ಶಕ್ತಿ ಒದಗಿಸುವ ಮತ್ತು ಆಂಟಿ ಆಕ್ಸಿಡೆಂಟ್ ಒದಗಿಸುವ ಮೂಲ. ಇದು ಎಲುಬಿನ ಬೆಳವಣಿಗೆ, ಮಾಂಸಖಂಡಗಳ ಸಡಿಲಿಕೆ, ಅಂಗಾಂಶ ಉತ್ಪಾದನೆಗೆ ಅಗತ್ಯವಾದ ಅಂಶ. ಕುಚ್ಚಿಲು ಅಕ್ಕಿಯಲ್ಲಿ ಈ ಅಂಶಗಳು ಜಾಸ್ತಿ ಎನ್ನಲಾಗಿದೆ.

ಮಧುಮೇಹಿಗಳಿಗೆ: ಮಧುಮೇಹಿಗಳಿಗೆ ಕುಚ್ಚಿಲು ಅಕ್ಕಿ ಒಳ್ಳೆಯದು. ಕುಚ್ಚಿಲು ಅಕ್ಕಿ ಸಕ್ಕರೆ ಅಂಶವನ್ನು ಸ್ಥಿರವಾಗಿರಿಸುತ್ತದೆ. ಅಲ್ಲದೆ ಇದು ದೇಹವನ್ನು ಹೀಟ್ ಆಗದಂತೆ ನೋಡಿಕೊಳ್ಳುತ್ತದೆ.

ಪೋಷಕಾಂಶಗಳು: ಬೆಳ್ತಿಗೆ ಅನ್ನಕ್ಕೆ ಹೋಲಿಸಿದರೆ, ಕುಚ್ಚಿಲು ಅಕ್ಕಿಯಲ್ಲಿ ಪೋಷಕಾಂಶಗಳ ಪ್ರಮಾಣ ಹೆಚ್ಚಿದೆ. ಇದು ಮಧುಮೇಹ ನಿಯಂತ್ರಿಸುವುದಲ್ಲದೆ, ದೇಹಕ್ಕೆ ಬೇಕಾದ ಶಕ್ತಿ ಒದಗಿಸುತ್ತದೆ.

ಇದನ್ನೂ ಓದಿ.. ಕಾಫಿಯಲ್ಲಿದೆ ನೀವು ಊಹಿಸಲೂ ಆಗದ ರಹಸ್ಯ

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ