ಬೆವರು ಗುಳ್ಳೆಗಳಿಂದ ಮುಕ್ತಿ ಹೊಂದಲು ಈ ಮನೆಮದ್ದನ್ನು ಬಳಸಿ

ಸೋಮವಾರ, 18 ಫೆಬ್ರವರಿ 2019 (07:08 IST)
ಬೆಂಗಳೂರು : ಬೇಸಿಗೆಗಾಲದಲ್ಲಿ ಹೆಚ್ಚಾಗಿ ಕೆಲವರ ದೇಹದಲ್ಲಿ ಬೆವರು ಗುಳ್ಳೆಗಳು ಮೂಡುತ್ತದೆ. ಇದರಿಂದ ದೇಹದಲ್ಲಿ ತುರಿಕೆ ಉಂಟಾಗುತ್ತದೆ. ಇಂತಹ ಗುಳ್ಳೆಗಳಿಂದ ಕಿರಿ ಕಿರಿ ಮತ್ತು ಮುಜುಗರವಾಗುತ್ತದೆ. ಹಾಗಾಗಿ ಈ ಬೆವರುಗುಳ್ಳೆಗಳ ಸಮಸ್ಯೆಯಿಂದ ಪಾರಾಗಲು ಈ ಮನೆಮದ್ದನ್ನು ಬಳಸಿ.


ತೆಂಗಿನ ಎಣ್ಣೆಯನ್ನು ಸೌತೆಕಾಯಿ ಜ್ಯೂಸ್‌ ಜತೆ ಕಲಸಿ ಬೆವರು ಗುಳ್ಳೆಗಳ ಮೇಲೆ ದಿನಕ್ಕೆ 2 ಬಾರಿ ಹಚ್ಚಿದರೆ ಗುಳ್ಳೆಗಳು ಮಾಯವಾಗುತ್ತವೆ. ಅರಿಶಿನ , ಮೆಂತ್ಯ, ದನಿಯಾ, ಹೆಸರುಕಾಳನ್ನು ಪುಡಿ ಮಾಡಿ ಸ್ನಾನ ಮಾಡುವಾಗ ಸೋಪಿನ ಬದಲಾಗಿ ಈ ಪುಡಿಯನ್ನು ಬಳಸಿದರೆ ಗುಳ್ಳೆಗಳು ನಿವಾರಣೆಯಾಗುತ್ತದೆ.


ಬೆವರು ಗುಳ್ಳೆ ಆಗಿ ತುಂಬಾ ನವೆ ಇದ್ದರೆ ಬೇವಿನ ಸೊಪ್ಪಿನ ಪೇಸ್ಟ್‌ಗೆ ರೋಸ್‌ ವಾಟರ್‌ ಬೆರೆಸಿ ಹಚ್ಚಿದರೆ ನವೆ ಕಡಿಮೆಯಾಗಿ ಗುಳ್ಳೆಗಳು ಶಮನವಾಗುತ್ತದೆ. ಹಸಿ ಆಲೂಗಡ್ಡೆಯನ್ನು ಕತ್ತರಿಸಿ ಬೆವರು ಗುಳ್ಳೆಗಳ ಮೇಲೆ 10 -15 ನಿಮಿಷಗಳು ಇಟ್ಟರೂ ಗುಳ್ಳೆಗಳು ಶಮನವಾಗುತ್ತದೆ. ಕರ್ಪೂರವನ್ನು ಬೇವಿನ ಎಣ್ಣೆ ಜತೆ ಪೇಸ್ಟ್‌ ಮಾಡಿ ಗುಳ್ಳೆಗಳ ಮೇಲೆ ಲೇಪನ ಮಾಡಿದರೆ ಗುಳ್ಳೆಗಳು ನಿವಾರಣೆಯಾಗುತ್ತದೆ.


ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ಮೂಗಿನಲ್ಲಿ ಸುರಿಯುವ ರಕ್ತ ಕೂಡಲೆ ನಿಲ್ಲಬೇಕೆಂದರೆ ಹೀಗೆ ಮಾಡಿ