ಮಾನ್ಸೂನ್ ಪ್ರವಾಸಿಗರಿಗಂತೂ ಸಖತ್ ಫೇವರೇಟ್. ಮಳೆಯೊಂದಿಗೆ ಸುಂದರ ಹಚ್ಚಹಸಿರಿನೊಂದಿಗೆ ಕಾಲ ಕಳೆಯುವುದಂತೂ ಅದ್ಭುತ ಅನುಭವ.
ಆದ್ದರಿಂದ ಈ ಮಳೆಗಾಲದಲ್ಲಿ ನೀವು ಪ್ರವಾಸ ಕೈಗೊಳ್ಳಲು ಬಯಸಿದರೆ ಗೋವಾ ಉತ್ತಮ ಆಯ್ಕೆಯ ತಾಣವಾಗಿದೆ. ಗೋವಾವು ಉತ್ತರದಿಂದ ದಕ್ಷಿಣಕ್ಕೆ ಸುಂದರವಾದ ಕಡಲತೀರಗಳಿಂದ ಆವೃತವಾಗಿದೆ. ಬಿಳಿ ಮರಳಿನ ಕಡಲತೀರದಲ್ಲಿ ಸುಂದ ಸಮಯ ಕಳೆಯಬಹುದು.
ಸಾಮಾನ್ಯವಾಗಿ ಗೋವಾ ಎಂದಾಕ್ಷಣ ಬೇಸಿಗೆಯಲ್ಲಿ ಪ್ರಯಾಣ ಬೆಳೆಸಲು ಇಷ್ಟ ಪಡುತ್ತಾರೆ. ಆದರೆ ಮಳೆಗಾಲದಲ್ಲಿ ಗೋವಾ ನೋಡುವುದೇ ಒಂದು ಚಂದ.
ಗೋವಾದ ಟಾಪ್ ಬೀಚ್ಗಳು
ಮೊರ್ಜಿಮ್
ಈ ಸುಂದರವಾದ ಕಡಲತೀರವು ರಾಜ್ಯದ ಉತ್ತರದಲ್ಲಿದೆ ಮತ್ತು ಬಿಳಿ ಮರಳಿನ ದೊಡ್ಡ ವಿಸ್ತಾರವನ್ನು ಹೊಂದಿದೆ. ಈ ಕಡಲತೀರವು ಗೋವಾದ ಇತರ ಬೀಚ್ಗಳಂತೆ ಹಲವಾರು ಬೀಚ್ ಬಾರ್ಗಳನ್ನು ಹೊಂದಿದೆ. ಆದರೆ ಈ ಕಡಲತೀರವು ಇತರ ಗೋವಾದ ಕಡಲತೀರಗಳಿಗಿಂತ ಕಡಿಮೆ ಜನಸಂದಣಿಯನ್ನು ಹೊಂದಿದ್ದು, ಇದು ಆಲಿವ್ ರಿಡ್ಲಿ ಸಮುದ್ರ ಆಮೆಗಳ ಸಂತಾನೋತ್ಪತ್ತಿಯ ಸ್ಥಳವಾಗಿದೆ.
ಅರಂಬೋಲ್
ನೀವಿಲ್ಲಿ ಸಂಗೀತ ಮತ್ತು ರುಚಿಕರವಾದ ಆಹಾರವನ್ನು ಆನಂದಿಸಬಹುದು. ಹತ್ತಿರದಲ್ಲಿರುವ ದಟ್ಟವಾದ ಅರಣ್ಯದಿಂದಾಗಿ ಇದು ಗೋವಾದ ಹಸಿರು ಬೀಚ್ಗಳಲ್ಲಿ ಒಂದಾಗಿದೆ.
ಸಿಂಕ್ವೆರಿಮ್
ತಾಳೆ ಮರಗಳು, ಸುಂದರವಾದ ಸ್ಪಷ್ಟವಾದ ನೀರು ಮತ್ತು ಮರಳನ್ನು ಹೊಡೆಯುವ ಅಲೆಗಳ ಮಾಂತ್ರಿಕ ಶಬ್ದವು ನಿಮ್ಮನ್ನು ಸಂಪೂರ್ಣವಾಗಿ ಬೇರೆ ಲೋಕಕ್ಕೆ ಕೊಂಡೊಯ್ಯುತ್ತದೆ.
