ಬೇಕಾಗುವ ಸಾಮಾಗ್ರಿ:
ಅಕ್ಕಿ ಹುಡಿ-3 ಕಪ್
ನೀರು-6 ಕಪ್
ಎಣ್ಣೆ-3 ಟೀ ಚಮಚ
ತುರಿದ ತೆಂಗಿನಕಾಯಿ-4 ಕಪ್
ಸಕ್ಕರೆ-2 ಕಪ್
ಒಣ ದ್ರಾಕ್ಷಿ-1/2 ಕಪ್
ಗೋಡಂಬಿ-1/2 ಕಪ್
ಹಾಲು-1/2 ಕಪ್
ವಿಧಾನ:
ಅಕ್ಕಿ ಹಿಟ್ಟಿನ ಪಾಕ ತಯಾರಿಸಲು
ಎಣ್ಣೆಯನ್ನು ನೀರಿನೊಂದಿಗೆ ಕುದಿಸಿ ಇಟ್ಟುಕೊಳ್ಳಿ. ಇದಕ್ಕೆ ಅಕ್ಕಿ ಹುಡಿ ಹಾಕಿ ಚೆನ್ನಾಗಿ ಮಿಶ್ರಮಾಡಿ ತಣ್ಣಗಾಗಲು ಬಿಡಿ. ನಂತರ ಅದನ್ನು ಚೆನ್ನಾಗಿ ನಾದಿ ಪಕ್ಕದಲ್ಲಿರಿಸಿಕೊಳ್ಳಿ.
ಹೂರಣ ತಯಾರಿಸಲು
ತೆಂಗಿನ ಕಾಯಿ, ಸಕ್ಕರೆ ಒಣ ದ್ರಾಕ್ಷಿ, ಗೋಡಂಬಿಗಳನ್ನು ಚೆನ್ನಾಗಿ ಬೆರೆಸಿ. ಈ ಮಿಶ್ರಣವನ್ನು ಹದವಾದ ಬೆಂಕಿಯಲ್ಲಿ ಬೇಯಿಸಿ, ಆಗಾಗ ಕದಡಿಸುತ್ತಿರಿ. ನಂತರ ಅದಕ್ಕೆ ಹಾಲು ಸೇರಿಸಿ, ಹಾಲು ಚೆನ್ನಾಗಿ ಆರುವ ವರೆಗೆ ಒಲೆಯಲ್ಲಿರಿಸಿ. ಈ ಮಿಶ್ರಣವು ಗಟ್ಟಿಯಾದ ನಂತರ ಒಲೆಯಿಂದ ಕೆಳಗಿಳಿಸಿ.
ನಾದಿದ ಅಕ್ಕಿ ಹಿಟ್ಟಿನಿಂದ ಚಿಕ್ಕ ಚಿಕ್ಕ ಉಂಡೆಗಳನ್ನು ಮಾಡಿ.ಆ ಉಂಡೆಗಳ ನಡುವೆ ಚಿಕ್ಕ ತೂತನ್ನು ಮಾಡಿ ಹೂರಣವನ್ನು ತುಂಬಿಸಿ ಬೆಳ್ಳುಳ್ಳಿ ಆಕಾರದಂತೆ ಅಂಚುಗಳನ್ನು ಮಡಚಿ.
ಈ ಮೋದಕವನ್ನು ಆವಿಯಲ್ಲಿರಿಸಿ 10 ನಿಮಿಷಗಳ ಕಾಲ ಬೇಯಿಸಿ, ತಣ್ಣಗಾದ ನಂತರ ಬಡಿಸಿ.
