ನವದೆಹಲಿ: ಮೋತಿ ನಗರದ ಸರ್ಕಾರಿ ಶಾಲೆಯೊಂದರ 7 ನೇ ತರಗತಿ ವಿದ್ಯಾರ್ಥಿನಿಯೊಬ್ಬಳು ತನ್ನ ಮೇಲೆ ಹಿರಿಯ ಸಹಪಾಠಿಗಳು ಕಳೆದ ನಾಲ್ಕು ತಿಂಗಳಿನಿಂದ ನಿರಂತರ ಲೈಂಗಿಕ ಶೋಷಣೆ ನಡೆಸುತ್ತಿದ್ದಾರೆಂದು ಆರೋಪಿಸಿದ್ದಾಳೆ.
ವಿಚಿತ್ರವೆಂದರೆ ಆರೋಪಕ್ಕೊಳಗಾದವರೂ ವಿದ್ಯಾರ್ಥಿನಿಯರೇ. 8 ಮತ್ತು 9 ನೇ ತರಗತಿಯ ಕೆಲವು ವಿದ್ಯಾರ್ಥಿಗಳು ಆಕೆಯನ್ನು ಊಟದ ವಿರಾಮದ ವೇಳೆ ಖಾಲಿ ಇರುವ ಕ್ಲಾಸ್ ರೂಂಗೆ ಕರೆದುಕೊಂಡು ಹೋಗಿ ಅಶ್ಲೀಲ ಹಾವಭಾವ ಮಾಡುವಂತೆ ಒತ್ತಾಯಿಸುತ್ತಿದ್ದರಂತೆ.
ಆರೋಪಿ ವಿದ್ಯಾರ್ಥಿನಿಯರಲ್ಲಿ ಒಬ್ಬಾಕೆ 19 ವರ್ಷದವಳಾಗಿದ್ದು, ಸತತವಾಗಿ ಫೇಲ್ ಆದ ಕಾರಣ ಇನ್ನೂ 9 ನೇ ತರಗತಿಯಲ್ಲೇ ಇದ್ದಾಳೆಂದು ತಿಳಿದುಬಂದಿದೆ. ಶೋಷಿತ ವಿದ್ಯಾರ್ಥಿನಿಯನ್ನು ಸ್ಥಳೀಯ ಎನ್ ಜಿಒ ಸಂಸ್ಥೆಯೊಂದು ಕೌನ್ಸೆಲಿಂಗ್ ನಡೆಸುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.