‘ವಿರಾಟ್ ಕೊಹ್ಲಿಯಂತಹ ಬ್ಯಾಟ್ಸ್ ಮನ್ ನೋಡಿಯೇ ಇಲ್ಲ’

ಮುಂಬೈ: ವಿರಾಟ್ ಕೊಹ್ಲಿ ಬಗ್ಗೆ ಋಣಾತ್ಮಕವಾಗಿ ಕಾಮೆಂಟ್ ಮಾಡಿದ್ದಕ್ಕೆ ಈಗ ಇಂಗ್ಲೆಂಡ್ ವೇಗಿ ಜೇಮ್ಸ್ ಆಂಡರ್ಸನ್ ಎಲ್ಲರಿಂದ ಉಗಿಸಿಕೊಳ್ಳುವುದೇ ಆಗಿದೆ. ಭಾರತದ ಮಾಜಿ ನಾಯಕ ಕಪಿಲ್ ದೇವ್ ಅವರೂ ಕೂಡಾ ಇವರಲ್ಲೊಬ್ಬರು.

ವಿರಾಟ್ ನಂತಹ  ಕ್ರಿಕೆಟಿಗನನ್ನು ನಾನು ನೋಡಿಯೇ ಇಲ್ಲ. ಆತ ಯಾವುದೇ ಪಿಚ್ ನಲ್ಲೂ ಬ್ಯಾಟ್ ಬೀಸಬಲ್ಲರು ಎಂದು ಆಂಡರ್ಸನ್ ಗೆ ಚೆನ್ನಾಗಿ ತದುಕಿದ್ದಾರೆ. “ಆತ ಯಾವುದೇ ಪರಿಸ್ಥಿತಿಯಲ್ಲೂ ಚೆನ್ನಾಗಿ ಆಡಬಲ್ಲ. ಆತನ ದಾಖಲೆಗಳೇ ಅದನ್ನು ಸೂಚಿಸುತ್ತಿವೆ. ಇಷ್ಟು ಸಣ್ಣ ವಯಸ್ಸಿನಲ್ಲೇ ಇಷ್ಟು ದಾಖಲೆಗಳನ್ನು ಮಾಡಿದ್ದಾನೆ. ಸಚಿನ್ ದಾಖಲೆಯನ್ನೂ ಮುರಿಯಬಹುದಾ ಎಂಬ ಪ್ರಶ್ನೆಗೆ ಆತನ ದಾಖಲೆಗಳೇ ಉತ್ತರಿಸುತ್ತವೆ” ಎಂದಿದ್ದಾರೆ.

ಕೊಹ್ಲಿ ನಾಯಕನಾಗಿಯೂ ಉತ್ತಮ ಸಾಧನೆ ಮಾಡಿದ್ದಾರೆ. ಆಟಗಾರರಲ್ಲಿ ಆತ್ಮವಿಶ್ವಾಸ ತುಂಬಿದ್ದಾರೆ. ಆಂಡರ್ಸನ್ ನಂತಹವರು ಏನೇ ಹೇಳಲಿ.ಅದು ಕೊಹ್ಲಿಯಂತಹವರಿಗೆ ಪರಿಣಾಮ ಬೀರುವುದಿಲ್ಲ ಎಂದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ