ವಿರಾಟ್ ಕೊಹ್ಲಿ ಪರ ಬ್ಯಾಟ್ ಬೀಸಿದ ಪಾಕ್ ಮಾಜಿ ನಾಯಕ

ಕರಾಚಿ: ಭಾರತ-ಪಾಕಿಸ್ತಾನ ಸಂಬಂಧ ಈಗ ಸಂಪೂರ್ಣ ಹಳಸಿದೆ. ಕ್ರೀಡಾ ಜಗತ್ತಿನಲ್ಲೂ ಉಭಯ ತಂಡಗಳು ಎಲ್ಲೂ ಮುಖಾಮುಖಿಯಾಗುತ್ತಿಲ್ಲ. ಹಾಗಿದ್ದರೂ ವಿರಾಟ್ ಕೊಹ್ಲಿಯನ್ನು ಟೀಕಿಸಿದ ಇಂಗ್ಲೆಂಡ್ ವೇಗಿ ಜೇಮ್ಸ್ ಆಂಡರ್ಸನ್ ರನ್ನು ಪಾಕ್ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇಂಗ್ಲೆಂಡ್ ವೇಗಿ ಮೊದಲು ಭಾರತದಲ್ಲಿ ವಿಕೆಟ್ ಕೀಳುವುದನ್ನು ಕಲಿಯಲಿ, ನಂತರ ವಿರಾಟ್ ಟೆಕ್ನಿಕ್ ಬಗ್ಗೆ ಮಾತನಾಡಲಿ ಎಂದಿದ್ದಾರೆ. “ಆಂಡರ್ಸನ್ ಹೇಳುವ ಪ್ರಕಾರ ಇಂಗ್ಲೆಂಡ್ ನಲ್ಲಿ ಯಶಸ್ವಿಯಾದರೆ ಮಾತ್ರ ಒಬ್ಬ ಬ್ಯಾಟ್ಸ್ ಮನ್ ಟೆಕ್ನಿಕಲೀ ಉತ್ತಮ ಎಂಬ ಸರ್ಟಿಫಿಕೇಟ್ ನೀಡಬಹುದಷ್ಟೇ? ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ಬ್ಯಾಟ್ಸ್ ಮನ್ ಗಳು ಉಪಖಂಡದ ಪಿಚ್ ನಲ್ಲಿ ಆಡುವಾಗ ಪರದಾಡುವುದಿಲ್ಲವೇ? ನನ್ನ ಪ್ರಕಾರ ಪಿಚ್ ಮುಖ್ಯವಲ್ಲ. ರನ್ ಗಳಿಸುವುದಷ್ಟೇ ಮುಖ್ಯ” ಎಂದು ಪಾಕ್ ಆಯ್ಕೆ ಸಮಿತಿ ಅಧ್ಯಕ್ಷರೂ ಆಗಿರುವ ಇಂಜಿ ಹೇಳಿದ್ದಾರೆ.

ವಿರಾಟ್ ಇಲ್ಲಿನ ಪಿಚ್ ನಲ್ಲಿ ಮಾತ್ರ ಚೆನ್ನಾಗಿ ಆಡುತ್ತಾರೆ. ಇಂಗ್ಲೆಂಡ್ ಪಿಚ್ ನಲ್ಲಿ ಇದೇ ಬೌಲಿಂಗ್ ದಾಳಿಗೆ ಅವರು ಪರದಾಡಿದ್ದರು ಎಂದು ಆಂಡರ್ಸನ್ ಇತ್ತೀಚೆಗೆ ಹೇಳಿಕೆ ನೀಡಿದ್ದರು. ಅದು ವಿವಾದಕ್ಕೆ ಕಾರಣವಾಗಿತ್ತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ