ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಭಾರತದಲ್ಲಿಇಷ್ಟೊಂದು ಪ್ರೀತಿ ಗಳಿಸಿದ್ದರೂ ದೂರದ ಇಟೆಲಿಯಲ್ಲಿ ಯಾರ ಕಣ್ಣಿಗೂ ಬೀಳದೇ ವಿವಾಹವಾಗಲು ಐಡಿಯಾ ಕೊಟ್ಟವರು ಯಾರು?
ಅನುಷ್ಕಾಗೆ ಈ ಐಡಿಯಾ ಕೊಟ್ಟವರು ನಟಿ ರಾಣಿ ಮುಖರ್ಜಿ ಪತಿ, ಯಶ್ ರಾಜ್ ಫಿಲಂಸ್ ಮುಖ್ಯಸ್ಥ ಆದಿತ್ಯಾ ಚೋಪ್ರಾ ಎನ್ನಲಾಗಿದೆ. ಇವರ ವಿವಾಹವೂ ಇಟೆಲಿಯಲ್ಲೇ ನಡೆದಿತ್ತು. ಇದೀಗ ತಮ್ಮದೇ ಸಂಸ್ಥೆಯಿಂದ ಬೆಳ್ಳಿ ತೆರೆಗೆ ಪರಿಚಿತರಾದ ಅನುಷ್ಕಾಗೆ ಇಟೆಲಿಯಲ್ಲಿ ಮದುವೆಯಾಗುವಂತೆ ಐಡಿಯಾ ಕೊಟ್ಟಿದ್ದೂ ಆದಿತ್ಯಾ ಎನ್ನಲಾಗಿದೆ.
ಭಾರತದಲ್ಲಿ ಮದುವೆಯಾದರೆ, ಭಾರತೀಯ ಮಾಧ್ಯಮಗಳು, ಫೋಟೋಗ್ರಾಫರ್ ಗಳು, ಅಭಿಮಾನಿಗಳ ನೂಕು ನುಗ್ಗಲಿನಲ್ಲಿ ಮದುವೆ ಒಂದು ತಮಾಷೆಯ ವಸ್ತುವಾದೀತು. ಗಲಾಟೆಯಿಲ್ಲದೇ ಖಾಸಗಿಯಾಗಿ ಮದುವೆಯಾಗಬೇಕಾದರೆ ಇಟೆಲಿ ಸೂಕ್ತ ಎಂದು ಆದಿತ್ಯಾ ಹೇಳಿದ್ದರಂತೆ. ಹಾಗಾಗಿಯೇ ಕೊಹ್ಲಿ ಮತ್ತು ಅನುಷ್ಕಾ ತಮ್ಮ ಕೇವಲ 44 ಮಂದಿ ಆಹ್ವಾನಿತರ ಸಮ್ಮುಖದಲ್ಲಿ ದೂರದ ಇಟೆಲಿಯಲ್ಲಿ ರಹಸ್ಯವಾಗಿ ಮದುವೆ ಮಾಡಿಕೊಂಡರು ಎನ್ನಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ