ವೆಸ್ಟ್ ಇಂಡೀಸ್ ಗತ ವೈಭವ ಮರಳಲಾರದು ಎಂದ ಕ್ರಿಸ್ ಗೇಲ್

ನವದೆಹಲಿ: ಒಂದು ಕಾಲದಲ್ಲಿ ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡವನ್ನು ಮುಟ್ಟಲೂ ಇತರ ತಂಡಗಳು ಹೆದರುವಂತಿತ್ತು. ಅದು ಸೋಲಿಲ್ಲದ ಸರದಾರನಂತಿತ್ತು. ಆದರೆ ಆ ಗತವೈಭವ ಮತ್ತೆ ಮರಳಲಾರದು ಎಂದು ವೆಸ್ಟ್ ಇಂಡೀಸ್ ನ ಡ್ಯಾಶಿಂಗ್ ಓಪನರ್ ಕ್ರಿಸ್ ಗೇಲ್ ಅಭಿಪ್ರಾಯಪಟ್ಟಿದ್ದಾರೆ.

ಇತ್ತೀಚೆಗಿನ ದಿನಗಳಲ್ಲಿ ವಿಂಡೀಸ್ ಎರಡು ಟಿ-ಟ್ವೆಂಟಿ ವಿಶ್ವಕಪ್ ಗೆದ್ದಿತ್ತು. ಆದರೆ ಟೆಸ್ಟ್ ಕ್ರಿಕೆಟ್ ನಲ್ಲಿ ತವರಿನಲ್ಲಿ ಹೊರಗೆ ಸೋಲನುಭವಿಸಿದೆ. ಈ ಹಿನ್ನಲೆಯಲ್ಲಿ ಗೇಲ್ ಇಂತಹ ಮಾತಾಡಿದ್ದಾರೆ. ಸ್ಥಿರತೆ ಮತ್ತು ಏಕಾಗ್ರತೆ ಇಲ್ಲದೇ ಇರುವುದರಿಂದ ವಿಂಡೀಸ್ ಸೋಲಿಗೆ ಕಾರಣ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.

ಕಿರು ಮಾದರಿಯಲ್ಲಿ ಆಕ್ರಮಣಕಾರಿ ಆಟ ಸಾಕು. ದೀರ್ಘ ಅವಧಿಯ ಮಾದರಿಗೆ ತಾಳ್ಮೆ, ಏಕಾಗ್ರತೆ ಎಲ್ಲವೂ ಇದ್ದರೆ ಮಾತ್ರ ಯಶಸ್ಸು ಸಾಧ್ಯ ಎಂದಿದ್ದಾರೆ ಗೇಲ್.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ