ವಿವಿಎಸ್ ಲಕ್ಷ್ಮಣ್ ಜನುಮದಿನಕ್ಕೆ ಕ್ರಿಕೆಟಿಗರ ವಿಶ್

ಹೈದರಾಬಾದ್: ಕಲಾತ್ಮಕ ಬ್ಯಾಟ್ಸ್ ಮನ್ ವೆರಿ ವೆರಿ ಸ್ಪೆಷಲ್ ಲಕ್ಷ್ಮಣ್ ಗೆ ಇಂದು ಜನುಮ ದಿನದ ಸಂಭ್ರಮ. ಈ ಹಿನ್ನೆಲೆಯಲ್ಲಿ ಒಂದು ಕಾಲದಲ್ಲಿ ಅವರ ಸಹವರ್ತಿಗಳಾಗಿದ್ದ ಕ್ರಿಕೆಟಿಗರೆಲ್ಲರೂ ಅವರಿಗೆ ಶುಭಾಶಯ ಕೋರಿದ್ದಾರೆ.

ಸಚಿನ್ ತೆಂಡುಲ್ಕರ್, ಸೆಹ್ವಾಗ್, ಸುರೇಶ್ ರೈನಾ, ಯುವರಾಜ್ ಸಿಂಗ್, ಪಾರ್ಥಿವ್ ಪಟೇಲ್, ಅಜಿಂಕ್ಯಾ ರೆಹಾನೆ ಶುಭಹಾರೈಸಿದವರಲ್ಲಿ ಪ್ರಮುಖರು.  ಇವರಲ್ಲಿ ಸೆಹ್ವಾಗ್ ಮಾತ್ರ ಯಾವತ್ತಿನ ಹಾಗೆ ವಿಶೇಷ ರೀತಿಯಲ್ಲಿ ಶುಭಹಾರೈಸಿದ್ದಾರೆ.

ಟ್ವಿಟರ್ ಪೇಜ್ ನಲ್ಲಿ ಲಕ್ಷ್ಮಣ್ ಗೆ ಜನುಮದಿನದ ಶುಭಾಶಯ ಎಂದು ಬರೆದ ಅವರು “ವಿವಿಎಸ್ ಶೋಲೆಯಲ್ಲಿ ಇದ್ದಿದ್ದರೆ ಗಬ್ಬರ್ ಸಿಂಗ್ ‘ಈ ಮಣಿಕಟ್ಟು ನಮಗೆ ನೀಡಿ ಲಕ್ಷ್ಮಣ್’ ಎನ್ನುತ್ತಿದ್ದ”  ಎಂದು ತನ್ನ ಗೆಳೆಯನ ಕಾಲೆಳೆದಿದ್ದಾರೆ ವೀರೂ.

ಆದರೆ ವಂಗಿಪುರಪ್ಪು ಎಂದು ಬರೆಯುವಾಗ ಎಡವಟ್ಟು ಮಾಡಿಕೊಂಡಿದ್ದಾರೆ. ವಂಗಿಪುರಪ್ಪು ಎಂದು ಬರೆಯುವ ಬದಲು ಸ್ಪೆಲ್ಲಿಂಗ್ ತಪ್ಪು ಮಾಡಿ ವಾನಿಗುರಪ್ಪ ಎಂದು ಬರೆದುಕೊಂಡಿದ್ದಾರೆ. ಇದು ಮತ್ತೊಮ್ಮೆ ಬ್ರಿಟಿಷ್ ಪತ್ರಕರ್ತ ಪೀರ್ಸ್ ಮಾರ್ಗನ್ ಕಣ್ಣಿಗೆ ಬೀಳುತ್ತದೋ.. ಮತ್ತೆ ಸ್ಪೆಲ್ಲಿಂಗ್  ಸರಿಮಾಡುತ್ತಾರೋ ನೋಡಬೇಕು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ