ಅಗ್ರ ಸ್ಥಾನದಲ್ಲೇ ಮುಂದುವರಿದ ಸಾನಿಯಾ ಮಿರ್ಜಾ

ಹೈದರಾಬಾದ್: ಭಾರತದ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಸತತ 2 ನೇ ವರ್ಷ ಮಹಿಳಾ ಡಬಲ್ಸ್ ನಲ್ಲಿ ನಂ.1 ಸ್ಥಾನ ಕಾಯ್ದಕೊಂಡಿದ್ದಾರೆ.

ಅವರು ಇತ್ತೀಚೆಗಷ್ಟೇ ಮಾರ್ಟಿನಾ ಹಿಂಗಿಸ್ ಜತೆಗೂಡಿ ಡಬ್ಲ್ಯುಟಿಎ ಫೈನಲ್ಸ್ ಕೂಟದ ಸೆಮಿಫೈನಲ್ಸ್ ಪಂದ್ಯದಲ್ಲಿ ಅವರು ಸೋತಿದ್ದರು. ಹಾಗಿದ್ದರೂ ಅವರ ಶ್ರೇಯಾಂಕಕ್ಕೆ ತೊಂದರೆಯಾಗಿಲ್ಲ. ಈ  ಕೂಟದ ಫೈನಲ್ಸ್ ನಲ್ಲಿ ಪರಾಭವಗೊಂಡ ಜೋಡಿ ಬೆಥಾನಿ ಮಾಟೆಕ್ ಮತ್ತು ಲೂಸಿ ಸಫರೋವಾ ಗೆದ್ದಿದ್ದರೆ ಸಾನಿಯಾ ಜೋಡಿಯ ಅಗ್ರ ಸ್ಥಾನಕ್ಕೆ ಕುತ್ತು ಬರುತ್ತಿತ್ತು.

ನನಗೆ ಬಹಳ ಖುಷಿಯಾಗುತ್ತಿದೆ. ಸತತ ಎರಡನೇ ವರ್ಷವೂ ನಂ.1 ಪಟ್ಟ ಕಾಯ್ದುಕೊಂಡಿರುವುದು ಗೌರವದ ಸಂಗತಿ ಎಂದು ಸಾನಿಯಾ ಪ್ರತಿಕ್ರಿಯಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ