ಮುಂಬೈ: ಕೊರೋನಾವೈರಸ್ ನಿಂದಾಗಿ ಸಂಕಷ್ಟಕ್ಕೀಡಾದವರ ಜೀವನಕ್ಕೆ ನೆರವಾಗಲು ವಿವಿಧ ಕ್ಷೇತ್ರಗಳ ಸೆಲೆಬ್ರಿಟಿಗಳು ಒಂದಾಗಿ ಲೈವ್ ಕನ್ಸರ್ಟ್ ಮಾಡಿ ದೇಣಿಗೆ ಸಂಗ್ರಹಿಸುವ ಕೆಲಸ ಮಾಡಿದ್ದಾರೆ.
‘ಐ ಫೋರ್ ಇಂಡಿಯಾ’ ನೇತೃತ್ವದಲ್ಲಿ ನಡೆದ ಲೈವ್ ಕಾರ್ಯಕ್ರಮದಲ್ಲಿ ಕ್ರಿಕೆಟ್, ಸಿನಿಮಾ ಕ್ಷೇತ್ರದ ದಿಗ್ಗಜರು ಭಾಗಿಯಾಗಿ ದೇಣಿಗೆ ಸಂಗ್ರಹಿಸಲು ನೆರವಾಗಿದ್ದಾರೆ.
ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಟೆನಿಸ್ ತಾರೆ ಸಾನಿಯಾ ಮಿರ್ಜಾ, ನಟ ಅಕ್ಷಯ್ ಕುಮಾರ್, ಶಾರುಖ್ ಖಾನ್, ಅಮೀರ್ ಖಾನ್, ಎಆರ್ ರೆಹಮಾನ್ ಸೇರಿದಂತೆ ದಿಗ್ಗಜರು ತಮ್ಮ ಮನೆಯಿಂದಲೇ ಸೋಷಿಯಲ್ ಮೀಡಿಯಾ ಲೈವ್ ಕಾರ್ಯಕ್ರಮದ ಮೂಲಕ ರಂಜಿಸಿದ್ದು, ಈ ಕಾರ್ಯಕ್ರಮದಿಂದ ಸಂಗ್ರಹವಾದ ಹಣವನ್ನು ಗೀವ್ ಇಂಡಿಯಾ ಸ್ಥಾಪಿಸಿರುವ ಕೊವಿಡ್ ರೆಸ್ಪಾನ್ಸ್ ಫಂಡ್ ಗೆ ನೀಡಲಾಗುತ್ತದೆ. ಈ ಮೂಲಕ ಕೊರೋನಾದಿಂದ ಬದುಕು ಕಳೆದುಕೊಂಡವರಿಗೆ ನೆರವಾಗಲಿದ್ದಾರೆ.