ಎದುರಾಳಿಗಳನ್ನೂ ಇಷ್ಟಪಡುವ ವಿರಾಟ್ ಕೊಹ್ಲಿ

ನವದೆಹಲಿ: ಪ್ರಸಕ್ತ ಕ್ರಿಕೆಟ್ ಆಡುತ್ತಿರುವ ಆಟಗಾರರ ಪೈಕಿ ವಿರಾಟ್ ಕೊಹ್ಲಿ, ಎಬಿಡಿ ವಿಲಿಯರ್ಸ್, ಜೋ ರೂಟ್ ವಿಶ್ವವ ಕ್ರಿಕೆಟ್ ನ ಅದ್ಭುತ ಆಟಗಾರರು. ಸಮಕಾಲೀನ ಆಟಗಾರರು ಪರಸ್ಪರ ಮೆಚ್ಚಿಕೊಳ್ಳುವುದು ತುಂಬಾ ವಿರಳ. ಆದರೆ ಕೊಹ್ಲಿ ಮಾತ್ರ ಈ ವಿಷಯದಲ್ಲಿ ಎಲ್ಲಾ ಹುಳುಕುಗಳನ್ನೂ ಮೀರಿದ್ದಾರೆ.

ಸಮಕಾಲೀನ ಆಟಗಾರರ ಪೈಕಿ ನಿಮ್ಮ ಮೆಚ್ಚಿನ ಆಟಗಾರ ಯಾರು ಎಂಬ ಬಗ್ಗೆ ಪ್ರಶ್ನೆ ಕೇಳಿದ್ದಕ್ಕೆ ಪ್ರಾಮಾಣಿಕವಾಗಿ ಉತ್ತರಿಸಿದ ಕೊಹ್ಲಿ ಇಂಗ್ಲೆಂಡ್  ತಂಡದ ಜೋ ರೂಟ್ ಹೆಸರು ಹೇಳಿದ್ದಾರೆ. “ನನಗೆ ಜೋ ರೂಟ್ ಆಡುವ ಶೈಲಿ ತುಂಬಾ ಇಷ್ಟ. ನಾನು ಆತನ ಜತೆಗೆ ಹೆಚ್ಚು ಮಾತನಾಡಿಲ್ಲ. ಆದರೆ ಆತ ಆಡುವುದನ್ನು ನೋಡಲು ಇಷ್ಟ. ಅವರು ಎಲ್ಲಾ ಮಾದರಿಯ ಕ್ರಿಕೆಟ್ ನಲ್ಲೂ ಅದ್ಭುತವಾಗಿ ಆಡುವ ಬ್ಯಾಟ್ಸ್ ಮನ್” ಎಂದು ಕೊಹ್ಲಿ ಎದುರಾಳಿಯನ್ನು ಹೊಗಳಿದ್ದಾರೆ.

ಕಳೆದ ಟಿ-ಟ್ವೆಂಟಿ ವಿಶ್ವಕಪ್ ನಲ್ಲಿ ಜೋ ಆಡುವುದನ್ನು ನೋಡಿ ವಿರಾಟ್ ಆತನ ಅಭಿಮಾನಿಯಾದರಂತೆ. “ಆತ ಫೀಲ್ಡ್ ನಲ್ಲಿ ಆಡುವುದನ್ನು ನೋಡುವುದೇ ಚೆಂದ. ವಿಶ್ವಕಪ್ ನಲ್ಲಿ ಆತ ಆಡಿದ್ದನ್ನು ನೋಡಿ ನನಗೆ ವಾವ್ ಎನಿಸಿತು. ಭವಿಷ್ಯದಲ್ಲಿ ಮತ್ತಷ್ಟು ಆತನ ತಂಡದ ವಿರುದ್ಧ ಸೆಣಸಾಡಬಹುದು ಎಂದು ನಿರೀಕ್ಷಿಸುತ್ತೇನೆ” ಎಂದು ಕೊಹ್ಲಿ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ