ಮುಂಬೈ: ಲಾಕ್ ಡೌನ್ ವೇಳೆ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತಮ್ಮ ಸಹ ಕ್ರಿಕೆಟಿಗರೊಂದಿಗೆ ಲೈವ್ ಚ್ಯಾಟ್ ಸೇರಿದಂತೆ ಇನ್ ಸ್ಟಾಗ್ರಾಂನಲ್ಲಿ ಸಕ್ರಿಯರಾಗಿದ್ದರು.
ಈ ಸಮಯದಲ್ಲಿ ಅವರು ಇನ್ ಸ್ಟಾಗ್ರಾಂನಲ್ಲಿ ಅತೀ ಹೆಚ್ಚು ಗಳಿಕೆ ಮಾಡಿದ ಜಗತ್ತಿನ ಟಾಪ್ 10 ವ್ಯಕ್ತಿಗಳ ಪೈಕಿ ಆರನೇ ಸ್ಥಾನ ಪಡೆದಿದ್ದಾರೆ. ಭಾರತೀಯರ ಪೈಕಿ ಕೊಹ್ಲಿ ನಂ.1 ಸ್ಥಾನ ಗಳಿಸಿದ್ದಾರೆ.
ಕೊಹ್ಲಿ ಇನ್ ಸ್ಟಾಗ್ರಾಂ ಪೋಸ್ಟ್ ಗಳಿಂದ 379, 294 ಪೌಂಡ್ ಗಳಿಕೆ ಮಾಡಿದ್ದಾರೆ ಎನ್ನಲಾಗಿದೆ. ಅಂದರೆ ಪ್ರತೀ ಪೋಸ್ಟ್ ಗೆ ಅವರು 126,431 ಪೌಂಡ್ ಸಂಭಾವನೆ ಪಡೆದಿದ್ದಾರಂತೆ. ಜಾಗತಿಕವಾಗಿ ಈ ಪಟ್ಟಿಯಲ್ಲಿ ಮೊದಲ ಸ್ಥಾನ ಫುಟ್ಬಾಲಿಗ ಕ್ರಿಸ್ಟಿಯಾನೋ ರೊನಾಲ್ಡೊ ಅವರದ್ದಾಗಿದೆ. ಅವರು 1.8 ಮಿಲಿಯನ್ ಪೌಂಡ್ ಸಂಪಾದನೆ ಮಾಡಿದ್ದಾರಂತೆ. ಇತ್ತೀಚೆಗಷ್ಟೇ ಫೋರ್ಬ್ಸ್ ಬಿಡುಗಡೆಗೊಳಿಸಿದ ವಿಶ್ವದ ಶ್ರೀಮಂತ ಕ್ರೀಡಾಪಟುಗಳ ಪಟ್ಟಿಯಲ್ಲೂ ಕೊಹ್ಲಿಯೊಬ್ಬರೇ ಟಾಪ್ 100 ರೊಳಗೆ ಸ್ಥಾನ ಪಡೆದ ಭಾರತೀಯರಾಗಿದ್ದರು.