ಮುಂಬೈ: ಭಾರತ ವಿರುದ್ಧದ ಸರಣಿಯಲ್ಲಿ ತನ್ನ ತಂಡ ಸೋತರೇನಂತೆ? ಸರಣಿಯಲ್ಲಿ ಮಿಂಚಿದ್ದು ಈ ಇಂಗ್ಲೆಂಡ್ ಕ್ರಿಕೆಟಿಗನಿಗೆ ಸಾರ್ಥಕವಾಯಿತು ಬಿಡಿ. ಯಾಕೆಂದರೆ ಎಲ್ಲರ ಕಣ್ಣು ಈಗ ಈ ಆಟಗಾರನ ಮೇಲೆ.
ಅವರೇ ಬೆನ್ ಸ್ಟೋಕ್. ಹೇಳಿ ಕೇಳಿ ಇದು ಐಪಿಎಲ್. ಇಲ್ಲಿ ಹೊಡೆಬಡಿಯ ಆಲ್ ರೌಂಡರ್ ಗಳಿಗೇ ಬೆಲೆ ಜಾಸ್ತಿ. ಸ್ಟೋಕ್ ಕೂಡಾ ಅಂತಿಂಥಾ ಕ್ರಿಕೆಟಗನಲ್ಲ. ಬ್ಯಾಟಿಂಗ್ ಗೂ ಸೈ, ಬೌಲಿಂಗ್ ಗೂ ಸೈ. ಹಾಗಾಗಿಯೇ ಪ್ರಮುಖ ಫ್ರಾಂಚೈಸಿಗಳೆಲ್ಲಾ ಈಗ ಅವರ ಹಿಂದೆ ಬಿದ್ದಿದೆ.
ಅದರಲ್ಲೂ ಪ್ರಮುಖವಾಗಿ ಪುಣೆ ವಾರಿಯರ್ಸ್ ಮತ್ತು ಗುಜರಾತ್ ಲಯನ್ಸ್ ನಡುವೆ ಸ್ಟೋಕ್ ರನ್ನು ಖರೀದಿಸಲು ಪೈಪೋಟಿಯಿದೆಯಂತೆ. ಅವರ ಮೂಲ ಬೆಲೆ 2 ಕೋಟಿ ರೂ. ಹಾಗಾಗಿ ಈ ಬಾರಿ ದುಬಾರಿ ಮೊತ್ತಕ್ಕೆ ಬಿಕರಿಯಾಗಬಲ್ಲ ಕ್ರಿಕೆಟಿಗರ ಪೈಕಿ ಸ್ಟೋಕ್ ಮುಂಚೂಣಿಯಲ್ಲಿದ್ದಾರೆಂದಾಯಿತು. ಯಾವುದಕ್ಕೂ ಫೆಬ್ರವರಿ 20 ರಂದು ನಡೆಯಲಿರುವ ಹರಾಜು ಪ್ರಕ್ರಿಯೆಯವರೆಗೆ ನೀವು ಕಾಯಲೇ ಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
