ನವದೆಹಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಜತೆ ವಾಗ್ವಾದಕ್ಕಿಳಿದಿದ್ದಕ್ಕೆ ಐಸಿಸಿ ಇಂಗ್ಲೆಂಡ್ ನ ಬೆನ್ ಸ್ಟೋಕ್ ಗೆ ತಕ್ಕ ಶಾಸ್ತಿ ಮಾಡಿದೆ. ಮೂರನೇ ಟೆಸ್ಟ್ ನಲ್ಲಿ ಕೊಹ್ಲಿ ಜತೆ ಸ್ಟೋಕ್ಸ್ ವಾಗ್ವಾದಕ್ಕಿಳಿದಿದ್ದಲ್ಲದೆ ಇಬ್ಬರ ನಡುವೆ ಸನ್ನೆಯ ಮೂಲಕ ಶೀತಲ ಸಮರ ನಡೆಯುತ್ತಿತ್ತು.
ಇದಕ್ಕಾಗಿ ಐಸಿಸಿ ಸ್ಟೋಕ್ಸ್ ಗೆ 15 ಶೇಕಡಾ ಪಂದ್ಯದ ಶುಲ್ಕ ನೀಡಬೇಕೆಂದು ತಾಕೀತು ಮಾಡಿದೆ. ಹಿಂದೊಮ್ಮೆ ಬಾಂಗ್ಲಾದೇಶ ವಿರುದ್ಧವೂ ಸ್ಟೋಕ್ಸ್ ಎರಡು ಬಾರಿ ಇದೇ ರೀತಿ ಅಶಿಸ್ತಿನ ವರ್ತನೆ ತೋರಿ ದಂಡ ಹಾಕಿಸಿಕೊಂಡಿದ್ದರು.
ಕೊಹ್ಲಿ ಜತೆ ವಾಗ್ವಾದ ಮತ್ತು ಔಟಾಗಿ ಹೋಗುವಾಗ ಬಾಯಿಕೆ ಕೈಬೆರಳಿಟ್ಟು ಸಂಜ್ಞೆ ಮಾಡಿದ್ದರು ಸ್ಟೋಕ್ಸ್. ಇದಕ್ಕೆ ಪ್ರತಿಯಾಗಿ ಕೊಹ್ಲಿ ಕೂಡಾ ಸ್ಟೋಕ್ಸ್ ಔಟಾಗಿ ಹೋಗುವಾಗ ಇದೇ ರೀತಿ ಸನ್ನೆ ಮಾಡಿದ್ದರು. ಆದರೆ ಸ್ಟೋಕ್ಸ್ ಸತತ ಮೂರನೇ ಬಾರಿ ಅಶಿಸ್ತಿನ ವರ್ತನೆಯಿಂದ ದಂಡಕ್ಕೊಳಗಾಗುತ್ತಿದ್ದು, ಇನ್ನೊಂದು ಬಾರಿ ಪುನರಾವರ್ತಿಸಿದರೆ ಪಂದ್ಯದಿಂದ ನಿಷೇಧಕ್ಕೊಳಗಾಗುವ ಭೀತಿಯಲ್ಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ
ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ