ಸಚಿನ್ ತೆಂಡುಲ್ಕರ್ ರನ್ನು ಸೋಲಿಸುತ್ತಾರಂತೆ ಸೌರವ್ ಗಂಗೂಲಿ!

ಕೊಚ್ಚಿ: ಇಂದು ರಾತ್ರಿ ಸಚಿನ್ ತೆಂಡುಲ್ಕರ್ ಮತ್ತು ಸೌರವ್ ಗಂಗೂಲಿ ಮುಖಾಮುಖಿಯಾಗಲಿದ್ದಾರೆ. ಆದರೆ ಈ ಪಂದ್ಯದಲ್ಲಿ ಸೌರವ್ ಗಂಗೂಲಿ ಸಚಿನ್ ತೆಂಡುಲ್ಕರ್ ರನ್ನು ಸೋಲಿಸಲಿದ್ದಾರಂತೆ. ಹಾಗಂತ ಗಂಗೂಲಿ ಹೇಳಿಕೊಂಡಿದ್ದಾರೆ.

ಆದರೆ ಈ ಪಂದ್ಯ ಕ್ರಿಕೆಟ್ ಅಲ್ಲ. ಇದು ಐಎಸ್ಎಲ್ ಫುಟ್ ಬಾಲ್ ಪಂದ್ಯಾವಳಿಯ ಫೈನಲ್ ನಲ್ಲಿ. ಅಂತಿಮ ಹಣಾಹಣಿಯಲ್ಲಿ ಇಂದು ಸಚಿನ್ ಒಡೆತನದ ಕೇರಳ ಬ್ಲಾಸ್ಟರ್ಸ್ ಮತ್ತು ಗಂಗೂಲಿ ಒಡೆತನದ ಕೋಲ್ಕತ್ತಾ ತಂಡದ ನಡುವೆ ಫೈನಲ್ ಪಂದ್ಯ ನಡೆಯಲಿದೆ.

ಈ ಪಂದ್ಯದ ಫಲಿತಾಂಶದ ಬಗ್ಗೆ ಕೇಳಿದಾಗ ಗಂಗೂಲಿ ಹೇಳಿದ್ದು ಹೀಗೆ. “ಖಂಡಿತಾ ನಾನಿವತ್ತು ತೆಂಡುಲ್ಕರ್ ರನ್ನು ಸೋಲಿಸುತ್ತೇನೆ”! ಉಭಯ ತಂಡಗಳೂ ಪ್ರಬಲವಾಗಿದ್ದು, ಈ ಇಬ್ಬರು ಕ್ರಿಕೆಟ್ ದಿಗ್ಗಜರೂ ಫೈನಲ್ ಹಣಾಹಣಿಯಲ್ಲಿ ತಮ್ಮ ತಂಡವನ್ನು ಹುರಿದುಂಬಿಸಲು ಮೈದಾನದಲ್ಲಿ ಉಪಸ್ಥಿತರಿರಲಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ