ಎಡವಟ್ಟು ಮಾಡಿ ಯುವರಾಜ್ ಸಿಂಗ್ ರಿಂದ ನಗೆಪಾಟಲಿಗೀಡಾದ ಶಿಖರ್ ಧವನ್

ಕೊಲೊಂಬೋ: ಒಪೊ ಮೊಬೈಲ್ ಕಂಪನಿ ಟೀಂ ಇಂಡಿಯಾ ಪ್ರಾಯೋಜಕತ್ವ ವಹಿಸಿಕೊಂಡ ಮೇಲೆ ಇದೇ ಮೊದಲ ಬಾರಿಗೆ ಟೆಸ್ಟ್ ಪಂದ್ಯ ನಡೆಯುತ್ತಿದೆ. ಹೀಗಾಗಿ ಹೊಸ ದಿರಿಸಿನಲ್ಲಿ ಭಾರತೀಯ ಆಟಗಾರರು ಫೋಟೋಗೆ ಪೋಸ್ ನೀಡಿದ್ದಾರೆ.

ನಾಯಕ ಕೊಹ್ಲಿ ಸೇರಿದಂತೆ ಎಲ್ಲಾ ಆಟಗಾರರೂ ಹೊಸ ದಿರಿಸು ಧರಿಸಿ ಅಫೀಷಿಯಲ್ ಆಗಿ ಫೋಟೋ ತೆಗೆಸಿಕೊಂಡಿದ್ದಾರೆ. ಆದರೆ ಶಿಖರ್ ಧವನ್ ಫೋಟೋ ಮಾತ್ರ ವಿಶೇಷವಾಗಿ ಗಮನ ಸೆಳೆಯುತ್ತಿದೆ. ಅದೀಗ ಯುವರಾಜ್ ಸಿಂಗ್ ಗೆ ತಮಾಷೆಯ ವಸ್ತುವಾಗಿದೆ.

ಶಿಖರ್ ಫೋಟೋ ತೆಗೆಯುವಾಗ ಕಾಲಿಗೆ ಶೂ ಹಾಕಿಕೊಂಡಿರಲಿಲ್ಲ. ಮೇಲಿನಿಂದ ಎಲ್ಲವೂ ಫಿಟ್ ಆಗಿದ್ದು, ಕಾಲಿಗೆ ಮಾತ್ರ ಮಾಮೂಲು ಚಪ್ಪಲಿ ಧರಿಸಿ ಫೋಟೋ ತೆಗೆಸಿಕೊಂಡಿರುವುದನ್ನು ಟ್ವಿಟರ್ ನಲ್ಲಿ ತಮಾಷೆ ಮಾಡಿಕೊಂಡಿರುವ ಯುವರಾಜ್ ಸಿಂಗ್ ‘ಮೊದಲು ಕಾಲಿಗೊಂದು ಶೂ ಹಾಕಿಕೊಳ್ಳೋ..’ ಎಂದು ಕಾಲೆಳೆದಿದ್ದಾರೆ.

ಇದಕ್ಕೆ ಉತ್ತರಿಸಿರುವ ಶಿಖರ್ ಧವನ್, ‘ಫುಲ್ ಫೋಟೋ ತೆಗೆಯುತ್ತಾರೆಂದು ಗೊತ್ತಿರಲಿಲ್ಲ. ಅದಕ್ಕೇ ಚಪ್ಪಲಿ ಹಾಕಿಕೊಂಡೆ’ ಎಂದು ತಮ್ಮ ಎಡವಟ್ಟನ್ನು ಒಪ್ಪಿಕೊಂಡಿದ್ದಾರೆ.

ಇದನ್ನೂ ಓದಿ..  ವೈರಲ್ ಆಯ್ತು ಸಚಿವೆ ಸುಷ್ಮಾ ಸ್ವರಾಜ್ ಟ್ವೀಟ್

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ