ಮುಂಬೈ ಇಂಡಿಯನ್ಸ್ ತಂಡದಲ್ಲಿ ರೋಹಿತ್ ಜತೆಗೆ ಸಚಿನ್ ಓಪನಿಂಗ್ ಮಾಡಿದರೆ ಹೇಗಿರುತ್ತೆ?

ಮುಂಬೈ: ಮುಂಬೈ ಇಂಡಿಯನ್ಸ್ ತಂಡದಲ್ಲಿ ರೋಹಿತ್ ಶರ್ಮಾ ಜತೆಗೆ ಸಚಿನ್ ತೆಂಡುಲ್ಕರ್ ಆರಂಭಿಕರಾಗಿ ಕಣಕ್ಕಿಳಿದರೆ ಹೇಗಿರುತ್ತೆ? ಇಂತಹದ್ದೊಂದು ಐಡಿಯಾವನ್ನು ಸ್ವತಃ ರೋಹಿತ್ ಹಂಚಿಕೊಂಡಿದ್ದಾರೆ.

ಟ್ವಿಟರ್ ನಲ್ಲಿ ಅಭಿಮಾನಿಯೊಬ್ಬರು ಮುಂಬೈ ಇಂಡಿಯನ್ಸ್ ತಂಡಕ್ಕೆ ನಿವೃತ್ತಿಯಾದ ಒಬ್ಬ ಆಟಗಾರನನ್ನು ಮರಳಿ ಕರೆತರಬೇಕು ಎಂದಾದರೆ ಯಾರನ್ನು ಕರೆಸುತ್ತೀರಿ ಎಂದು ಪ್ರಶ್ನಿಸಿದ್ದಾರೆ.

ಇದಕ್ಕೆ ಉತ್ತರಿಸಿದ ರೋಹಿತ್ ‘ನಾನು ಸಚಿನ್ ತೆಂಡುಲ್ಕರ್ ಮತ್ತು ಶಾನ್ ಪೊಲ್ಲಾಕ್ ರನ್ನು ಕರೆತರುತ್ತೇನೆ’ ಎಂದಿದ್ದಾರೆ. ರೋಹಿತ್ ಉತ್ತರಕ್ಕೆ ಪ್ರತಿಕ್ರಿಯಿಸಿರುವ ಸಚಿನ್ ‘ನಿನ್ನ ಜತೆಗೆ ಓಪನಿಂಗ್ ಮಾಡಲು ಸಿದ್ಧ’ ಎಂದಿದ್ದಾರೆ. ಇವರಿಬ್ಬರೂ ಜತೆಗೆ ಓಪನಿಂಗ್ ಮಾಡಿದರೆ ಅದೆಂಥಾ ಹಬ್ಬವಾಗಬಹುದು ನೀವೇ ಊಹಿಸಿ!