ಮುಂಬೈ: ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿ ವಿದಾಯಕ್ಕೆ ಭಾವುಕರಾಗಿ ಪ್ರತಿಕ್ರಿಯಿಸಿದ್ದಾರೆ. ಟ್ವಿಟರ್ ಮೂಲಕ ಸಂದೇಶ ಬರೆದಿರುವ ಸಚಿನ್ ಧೋನಿಗೆ ಶುಭಾಷಯ ತಿಳಿಸಿದ್ದಾರೆ.
“ಟಿ-ಟ್ವೆಂಟಿ ಮತ್ತು ಏಕದಿನ ವಿಶ್ವಕಪ್ ನಲ್ಲಿ ಯಶಸ್ವಿಯಾಗಿ ಭಾರತವನ್ನು ಮುನ್ನಡೆಸಿದವರು. ಅವರನ್ನು ಒಬ್ಬ ಆಟಗಾರನಿಂದ, ನಾಯಕನಾಗಿ ಬೆಳೆಯುವುದನ್ನು ನೋಡಿದ್ದೇನೆ. ಆತನ ನಿರ್ಧಾರವನ್ನು ಗೌರವಿಸೋಣ. ಇದುವರೆಗೆ ನಮ್ಮನ್ನು ಮನರಂಜಿಸಿದ ಧೋನಿಗೆ ಶುಭ ಹಾರೈಸೋಣ” ಎಂದು ಸಚಿನ್ ಬರೆದುಕೊಂಡಿದ್ದಾರೆ.
ಧೋನಿಯನ್ನು ನಾಯಕನ ಪಟ್ಟಕ್ಕೆ ಹೆಸರು ಸೂಚಿಸಿದ್ದು ಸಚಿನ್ ಎಂಬ ಮಾತುಗಳೂ ಹಿಂದೆ ಕೇಳಿ ಬರುತ್ತಿತ್ತು. ಇದೀಗ ಅದೇ ಧೋನಿಯ ವಿದಾಯದ ವೇಳೆ ಸಚಿನ್ ಭಾವುಕರಾದರು. ಇದೇ ವೇಳೆ ಧೋನಿ ಬಯೋಗ್ರಫಿ ಸಿನಿಮಾದಲ್ಲಿ ಧೋನಿ ಪಾತ್ರ ಮಾಡಿದ್ದ ನಟ ಸುಶಾಂತ್ ಸಿಂಗ್ ರಜಪೂತ್ ಕೂಡಾ ಮಹಿಯನ್ನು ಮಿಸ್ ಮಾಡಿಕೊಳ್ಳುವುದಾಗಿ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
