#10 years ಚಾಲೆಂಜ್ ಗೆ ಸರಿಯಾಗಿಯೇ ಟಾಂಗ್ ಕೊಟ್ಟ ರೋಹಿತ್ ಶರ್ಮಾ

ಮುಂಬೈ: ಸದ್ಯಕ್ಕೆ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿರುವ 10 ಇಯರ್ ಚಾಲೆಂಜ್ ಟ್ರೆಂಡ್ ಗೆ ಕ್ರಿಕೆಟಿಗ ರೋಹಿತ್ ಶರ್ಮಾ ಸರಿಯಾಗಿಯೇ ಟಾಂಗ್ ಕೊಟ್ಟಿದ್ದಾರೆ.

ಈ ಹೊಸ ಟ್ರೆಂಡ್ ನಲ್ಲಿ ಜನ ತಮ್ಮ 10 ವರ್ಷದ ಮೊದಲು ಮತ್ತು ಈಗಿನ ಫೋಟೋ ಪ್ರಕಟಿಸಿ ಅಭಿಯಾನ ಮಾಡುತ್ತಿದ್ದರೆ, ರೋಹಿತ್ ಮಾತ್ರ ಇದನ್ನು ಬೇರೆಯದೇ ಉದ್ದೇಶಕ್ಕೆ ಬಳಸಿಕೊಂಡಿದ್ದಾರೆ.

ತಮ್ಮ ಫೋಟೋ ಪ್ರಕಟಿಸದೇ ಪರಿಸರ ಹಾನಿ ಕುರಿತಾಗಿ ಜಾಗೃತಿ ಮೂಡಿಸಲು ಈ ಅಭಿಯಾನವನ್ನು ಬಳಸಿಕೊಂಡಿದ್ದಾರೆ. 2009 ರಲ್ಲಿ ಸಮುದ್ರದ ನೀರಿನಲ್ಲಿ ಸುಂದರ ಮೀನುಗಳು ಓಡಾಡುವ ಶುದ್ಧ ವಾತಾವರಣ ಮತ್ತು ಈಗ ಕಲುಷಿತಗೊಂಡು ಸಾಯುತ್ತಿರುವ ಮೀನಿನ ಹೃದಯ ವಿದ್ರಾವಕ ದೃಶ್ಯದ ಫೋಟೋ ಪ್ರಕಟಿಸುವ ಮೂಲಕ ರೋಹಿತ್ ಈ ವಿಚಾರಕ್ಕೆ ನಾವು ಚಿಂತೆ ಮಾಡಬೇಕಾಗಿದೆ ಎಂದು ಬರೆದುಕೊಂಡಿದ್ದಾರೆ. ರೋಹಿತ್ ಪ್ರಕಟಿಸಿರುವ ಈ ವ್ಯತ್ಯಸ್ಥ ಫೋಟೋ ಈಗ ಭಾರೀ ವೈರಲ್ ಆಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ