ಮುಂಬೈ: ಬಾಂಗ್ಲಾದೇಶ ವಿರುದ್ಧ ಅಂತಿಮ ಟಿ20 ಪಂದ್ಯದಲ್ಲೂ ಬ್ಯಾಟಿಂಗ್ ನಲ್ಲಿ ಸಂಪೂರ್ಣ ವೈಫಲ್ಯ ಕಂಡ ರಿಷಬ್ ಪಂತ್ ಕುರಿತಾಗಿ ಟ್ವಿಟರ್ ನಲ್ಲಿ ತಮಾಷೆ ಮಾಡಲಾಗುತ್ತಿದೆ.
ಪ್ರತೀ ಪಂದ್ಯದ ಬಳಿಕವೂ ರಿಷಬ್ ಮಾಡುವ ಎಡವಟ್ಟುಗಳಿಂದಾಗಿ ಟ್ರೋಲ್ ಗೊಳಗಾಗುತ್ತಲೇ ಇದ್ದಾರೆ. ಮೂರನೇ ಪಂದ್ಯ ಮುಗಿದ ಬಳಿಕವಂತೂ ಟ್ವಿಟರಿಗರು ಬೇರೆ ಬೇರೆ ಮೆಮೆಗಳ ಮೂಲಕ ಟ್ರೋಲ್ ಮಾಡಿದ್ದಾರೆ.
ಸಮುದ್ರ ದಂಡೆಯಲ್ಲಿ ಕುಳಿತು ಅಲೆಗಳ ವಿರುದ್ಧ ರಿಷಬ್ ಮೊಳೆ ಹೊಡೆಯುತ್ತಿರುವಂತೆ, ದೀಪಿಕಾ ಪಡುಕೋಣೆ ಕೈ ಮುಗಿಯುವ ಫೋಟೋ ಹಾಕಿ ಸಾಕಪ್ಪಾ ನಿನ್ನ ಆಟ ಎನ್ನುತ್ತಿರುವಂತೆ ತಮಾಷೆಯ ಫೋಟೋಗಳ ಮೂಲಕ ರಿಷಬ್ ರನ್ನು ಲೇವಡಿ ಮಾಡಲಾಗಿದೆ. ಒಬ್ಬರಂತೂ ಆರ್ ಜೆ ಡಿ ನಾಯಕ ಲಾಲೂ ಪ್ರಸಾದ್ ಯಾದವ್ ಕ್ರಿಕೆಟ್ ಆಡುತ್ತಿರುವ ಫೋಟೋ ಹಾಕಿ ರಿಷಬ್ ಗಿಂತ ಬೆಟರ್ ಬ್ಯಾಟ್ಸ್ ಮನ್ ಎಂದು ವ್ಯಂಗ್ಯ ಮಾಡಿದ್ದಾರೆ.
