ಮಯಾಂಕ್ ಅಗರ್ವಾಲ್ ಗೆ ಅವಮಾನ ಮಾಡಿದ್ದಕ್ಕೆ ಕ್ಷಮೆ ಕೋರಿದ ಆಸೀಸ್ ಕಾಮೆಂಟೇಟರ್!

ಮೆಲ್ಬೋರ್ನ್:  ಚೊಚ್ಚಲ ಟೆಸ್ಟ್ ಪಂದ್ಯವಾಡಿದ ಟೀಂ ಇಂಡಿಯಾ ಆರಂಭಿಕ ಮಯಾಂಕ್ ಅಗರ್ವಾಲ್ ಗೆ ಅವಮಾನವಾಗುವಂತೆ ಮಾತನಾಡಿ ಟ್ರೋಲ್ ಗೊಳಗಾಗುತ್ತಿದ್ದಂತೇ ಇದೀಗ ಆಸೀಸ್ ಕಾಮೆಂಟೇಟರ್ ಓ ಕೀಫ್ ಕ್ಷಮೆ ಯಾಚಿಸಿದ್ದಾರೆ.

ಮಯಾಂಕ್ ಪದಾರ್ಪಣೆ ಮಾಡುತ್ತಿದ್ದಾರೆಂದು ತಿಳಿದ ತಕ್ಷಣ ರಣಜಿ ಟ್ರೋಫಿಯಲ್ಲಿ ತ್ರಿಶತಕ ಗಳಿಸಿದ್ದನ್ನು ಉಲ್ಲೇಖಿಸಿ, ಈತ ಯಾವುದೋ ಕ್ಯಾಂಟೀನ್ ಹುಡುಗರ ಅಥವಾ ಹೋಟೆಲ್ ವೈಟರ್ ಎದುರು ಬಾರಿಸಿದ್ದಿರಬೇಕು ಎಂದು ಅಪಹಾಸ್ಯ ಮಾಡಿದ್ದರು.

ಇದಾದ ಬಳಿಕ ಭಾರತೀಯ ಅಭಿಮಾನಿಗಳು ಓ ಕೀಫ್ ರನ್ನು ಹಿಗ್ಗಾ ಮುಗ್ಗಾ ಟ್ರೋಲ್ ಮಾಡಿದ್ದರು. ‘ನನಗೆ ಅವರಿಗೆ ಅವಮಾನ ಮಾಡುವ ಉದ್ದೇಶವಿರಲಿಲ್ಲ. ಆತ ಸಾಕಷ್ಟು ರನ್ ಗಳಿಸಿದ್ದು ಅವರ ಸಾಮರ್ಥ್ಯವನ್ನು ಹೀಗೆಳೆಯುವುದು ನನ್ನ ಉದ್ದೇಶವಾಗಿರಲಿಲ್ಲ. ಹಾಗಿದ್ದರೂ ಯಾರಿಗಾದರೋ ನೋವಾಗಿದ್ದರೆ ಕ್ಷಮೆ ಯಾಚಿಸುತ್ತೇನೆ’ ಎಂದು ಓ ಕೀಫ್ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ