ನವದೆಹಲಿ: ಕ್ರಿಕೆಟಿಗ ಮೊಹಮ್ಮದ್ ಶಮಿ ಇತ್ತೀಚೆಗೆ ಪತ್ನಿಯ ಸ್ಟೈಲಿಶ್ ಉಡುಪಿನಿಂದಾಗಿ ಸಾಮಾಜಿಕ ಜಾಲತಾಣದಲ್ಲಿ ಸಂಪ್ರದಾಯವಾದಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ಇದೀಗ ಮತ್ತೆ ವಿವಾದಕ್ಕೀಡಾಗಿದ್ದಾರೆ. ಕಾರಣ, ನಾಯಿ ಜತೆ ತೆಗೆಸಿಕೊಂಡ ಫೋಟೋ.
ಒಂದು ಮುದ್ದಾದ ನಾಯಿ ಜತೆ ತೆಗೆದ ಫೋಟೋವನ್ನು ಶಮಿ ಫೇಸ್ ಬುಕ್ ಪೇಜ್ ನಲ್ಲಿ ಪ್ರಕಟಿಸಿದ್ದರು. ಇದು ಇಸ್ಲಾಂ ವಿರೋಧಿ ಎಂದು ಸಂಪ್ರದಾಯವಾದಿಗಳು ಕಿಡಿ ಕಾರಿದ್ದಾರೆ. ಕೆಲವು ಇಸ್ಲಾಂ ಸಂಪ್ರದಾಯವಾದಿಗಳ ವಾದದಂತೆ ನಾಯಿ ಈ ಧರ್ಮದಲ್ಲಿ ನಿಷಿದ್ಧ ಪ್ರಾಣಿ. ಹೀಗಾಗಿ ಈ ಪ್ರಾಣಿಯೊಂದಿಗೆ ಫೋಟೋ ತೆಗೆಸಿಕೊಂಡಿದ್ದಕ್ಕೆ ಶಮಿ ಮೇಲೆ ಸಂಪ್ರದಾಯವಾದಿಗಳು ಗರಂ ಆಗಿದ್ದಾರೆ.
ಸಹಜವಾಗಿಯೇ ಕೆಲವರು ಶಮಿಯನ್ನು ಟೀಕೆ ಮಾಡಿದವರ ವಿರುದ್ಧವೇ ಕಿಡಿಕಾರಿದ್ದಾರೆ. ಆತನ ಆಟವನ್ನು ಬೆಂಬಲಿಸಿ. ಯಾಕೆ ನಾಯಿಯ ಹಿಂದೆ ಅಲೆದಾಡುತ್ತೀರಿ ಎಂಬಂತಹ ಕಾಮೆಂಟ್ ಮಾಡಿ ಟೀಕಾಕಾರರಿಗೆ ಶಮಿ ಅಭಿಮಾನಿಗಳು ತಿರುಗೇಟು ನೀಡಿದ್ದಾರೆ. ಸದ್ಯ ಫಿಟ್ ನೆಸ್ ಸಾಬೀತುಪಡಿಸಲು ಶಮಿ ಬೆಂಗಳೂರಿನಲ್ಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
