ಸೀನಿಯರ್ಸ್ ನಿಂದ ಮಾನಸಿಕ ಕಿರುಕುಳ: ಪಾಕ್ ಟೀಂ ಬಿಟ್ಟ ವೇಗಿ ಮೊಹಮ್ಮದ್ ಅಮೀರ್

ಇಸ್ಲಾಮಾಬಾದ್: ಹಿರಿಯ ಕ್ರಿಕೆಟಿಗರಿಂದ ತನಗೆ ಮಾನಸಿಕ ಕಿರುಕುಳವಾಗುತ್ತಿದೆ ಎಂಬ ಕಾರಣ ನೀಡಿ ಪಾಕ್ ವೇಗಿ ಮೊಹಮ್ಮದ್ ಅಮೀರ್ ಇನ್ನು ಮುಂದೆ ದೇಶದ ಪರವಾಗಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಲ್ಲ ಎಂಬ ತೀರ್ಮಾನಕ್ಕೆ ಬಂದಿದ್ದಾರೆ.

ಈ ಬಗ್ಗೆ ನಾವು ಅಮೀರ್ ಜತೆಗೆ ಮಾತನಾಡಿದ್ದೇವೆ. ಅವರು ನಿರ್ಧಾರದಲ್ಲಿ ಅಚಲರಾಗಿದ್ದಾರೆ. ಅವರ ನಿರ್ಧಾರವನ್ನು ನಾವು ಗೌರವಿಸುತ್ತೇವೆ. ಇನ್ನು ಮುಂದೆ ಈ ವಿಚಾರದ ಬಗ್ಗೆ ಯಾವುದೇ ಹೇಳಿಕೆ ನೀಡಲ್ಲ ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಹೇಳಿಕೆ ಬಿಡುಗಡೆಮಾಡಿದೆ. ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅಮೀರ್ ತನಗೆ ಪ್ರಸಕ್ತ ಪಾಕ್ ಕ್ರಿಕೆಟ್ ಮ್ಯಾನೇಜ್ ಮೆಂಟ್ ನ ಅಧೀನದಲ್ಲಿ ಆಡಲು ಇಷ್ಟವಿಲ್ಲ. ನನ್ನನ್ನು ಕಡೆಗಣಿಸಿ ಮಾನಸಿಕವಾಗಿ ಹಿಂಸೆ ನೀಡಿದ್ದಾರೆ ಎಂದು ದೂರಿದ್ದರು.