ಬಿಸಿಸಿಐನಿಂದ ಹೊಗಳಿಸಿಕೊಂಡ ಕ್ರಿಕೆಟಿಗ ಮಯಾಂಕ್ ಅಗರ್ವಾಲ್

ಬೆಂಗಳೂರು: ಟೀಂ ಇಂಡಿಯಾ ಆರಂಭಿಕ ಬ್ಯಾಟ್ಸ್ ಮನ್ ಮಯಾಂಕ್ ಅಗರ್ವಾಲ್ ಫಿಟ್ನೆಸ್ ಕುರಿತಾಗಿ ಪೋಸ್ಟ್ ಮಾಡಿ ಬಿಸಿಸಿಐನಿಂದ ಹೊಗಳಿಸಿಕೊಂಡಿದ್ದಾರೆ.

ಕೊರೋನಾವೈರಸ್ ನಿಂದಾಗಿ ಸದ್ಯಕ್ಕೆ ಮನೆಯಲ್ಲೇ ಇರುವ ಮಯಾಂಕ್ ಸೋಮಾರಿಯಾಗಿ ಕೂರದೇ ವರ್ಕೌಟ್ ಮಾಡುತ್ತಿದ್ದಾರೆ. ಈ ಫೋಟೋಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ಇದನ್ನು ರಿಟ್ವೀಟ್ ಮಾಡಿರುವ ಬಿಸಿಸಿಐ ಮನೆಯಲ್ಲಿದ್ದರೂ ಫಿಟ್ನೆಸ್ ಬಗ್ಗೆ ಗಮನಹರಿಸಿರುವುದಕ್ಕೆ ಹೊಗಳಿದ್ದು, ಮನೆಯಿಂದಲೇ ಇತರರಿಗೆ ಸ್ಪೂರ್ತಿಯಾಗಿದ್ದಾರೆ ಎಂದಿದೆ.