ಇಟಲಿ ಯೂರೊ 2016ರ 16ನೇ ಸುತ್ತಿಗೆ ಶುಕ್ರವಾರ ಪ್ರವೇಶಿಸಿದ್ದು, ಸ್ವೀಡನ್ ವಿರುದ್ಧ 1-0ಯಿಂದ ಜಯಗಳಿಸಿದೆ. ಕೊನೆಯ ಗಳಿಗೆಯಲ್ಲಿ ಇಟಲಿ ಆಟಗಾರರು ಗೋಲು ಗಳಿಸಿ ತಂಡಕ್ಕೆ ವಿಜಯ ತಂದಿತ್ತರು. ಇಟಲಿಯ ಎಡರ್ ಅದ್ಭುತ, ಏಕಾಂಗಿ ಪ್ರಯತ್ನದಲ್ಲಿ ಗೋಲುಪೆಟ್ಟಿಗೆಯೊಳಕ್ಕೆ ಚೆಂಡನ್ನು ಹೊಡೆದು ಸ್ವೀಡನ್ನರ ಹೃದಯವನ್ನು ಕೂಡ ಗೆದ್ದರು.
ಪಂದ್ಯ ಮುಗಿಯಲು ಕೇವಲ 2 ನಿಮಿಷಗಳು ಬಾಕಿಯಿದ್ದಾಗ ಸ್ಟ್ರೈಕರ್ ವೇಗವಾಗಿ ಓಡಿ ಸ್ವೀಡನ್ ಆಟಗಾರರ ಕಣ್ತಪ್ಪಿಸಿ ನೆಟ್‌ಗೆ ಚೆಂಡನ್ನು ಹೊಡೆದರು. ಆಸಕ್ತಿದಾಯಕ ಸಂಗತಿಯೆಂದರೆ ಅವರು ಹೊಡೆದ ಗೋಲು ಇಟಲಿಯ ಲೆಜೆಂಡ್ ರಾಬರ್ಟ್ ಬ್ಯಾಗಿಯೊ 1994ರ ವಿಶ್ವಕಪ್ನಲ್ಲಿ ಗೋಲ್ ಮಾಡಿದ್ದನ್ನು ಹೋಲಿಸಬಹುದು.
ಇವರಿಬ್ಬರನ್ನು ಈ ಹಂತದಲ್ಲಿ ಹೋಲಿಕೆ ಮಾಡುವುದು ಸರಿಯಾಗಿಲ್ಲವಾದರೂ, ಎಡರ್ ಪ್ರಯತ್ನ ಇಟಲಿ ಅಭಿಮಾನಿಗಳಿಗೆ ಅವರ ಹೀರೊ ಬ್ಯಾಗಿಯೋನ ಗೋಲನ್ನು ನೆನಪಿಸುವುದಂತೂ ನಿಜ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
