Publish Date: Sat, 04 Aug 2018 (09:22 IST)
Updated Date: Sat, 04 Aug 2018 (09:23 IST)
ಎಡ್ಜ್ ಬಾಸ್ಟನ್: ರವಿಚಂದ್ರನ್ ಅಶ್ವಿನ್ ಭಾರತದ ಪಿಚ್ ಗಳಲ್ಲಿ ವಿಕೆಟ್ ಗಳ ಮೇಲೆ ವಿಕೆಟ್ ಪಡೆಯುವಾಗ ಹಿರಿಯ ಸ್ಪಿನ್ನರ್ ಹರ್ಭಜನ್ ಸಿಂಗ್ ಟಾಂಗ್ ಕೊಟ್ಟು ವಿವಾದವೆಬ್ಬಸಿದ್ದರು.
ಇಂತಹ ಪಿಚ್ ನಾನು ಮತ್ತು ಅನಿಲ್ ಕುಂಬ್ಳೆ ಜತೆಯಾಗಿ ಆಡುವಾಗ ಸಿಕ್ಕರೆ ಇದಕ್ಕಿಂತ ಹೆಚ್ಚು ವಿಕೆಟ್ ಕೀಳುತ್ತಿದ್ದೆವು ಎಂದು ಅಂದು ಭಜಿ ಅಶ್ವಿನ್ ಗೆ ಟಾಂಗ್ ಕೊಟ್ಟಿದ್ದರು. ಭಜಿಯ ಈ ಹೇಳಿಕೆ ಅಂದು ಭಾರೀ ವಿವಾದ ಸೃಷ್ಟಿಸಿತ್ತು. ಅದಾದ ಬಳಿಕ ಇಬ್ಬರೂ ಕ್ರಿಕೆಟಿಗರೂ ತಮ್ಮ ನಡುವೆ ಯಾವುದೇ ವೈಮನಸ್ಯವಿಲ್ಲ ಎಂದು ಸ್ಪಷ್ಟನೆ ನೀಡಿದ ಮೇಲಷ್ಟೇ ವಿವಾದ ತಣ್ಣಗಾಯಿತು.
ಇಂದು ಇಂಗ್ಲೆಂಡ್ ನಲ್ಲಿ ಮೊದಲ ಟೆಸ್ಟ್ ಪಂದ್ಯದಲ್ಲಿ ರವಿಚಂದ್ರನ್ ಅಶ್ವಿನ್ 4 ವಿಕೆಟ್ ಕಿತ್ತ ಮೇಲೆ ಹರ್ಭಜನ್ ಅವರನ್ನು ಹಾಡಿ ಹೊಗಳಿದ್ದಾರೆ. ವೈವಿದ್ಯಮಯ ಬೌಲಿಂಗ್ ಮೂಲಕ ಎದುರಾಳಿಗಳನ್ನು ಕಟ್ಟಿ ಹಾಕಿದ್ದ ಅಶ್ವಿನ್ ರನ್ನು ಭರಪೂರ ಹೊಗಳಿರುವ ಭಜಿ ‘ಉಪಖಂಡದ ಹೊರತಾದ ಪಿಚ್ ನಲ್ಲಿ ಅಶ್ವಿನ್ ಮಾಡಿದ ಅತ್ಯದ್ಭುತ ಬೌಲಿಂಗ್ ಇದಾಗಿತ್ತು’ ಎಂದು ಕೊಂಡಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
