ಬರೋಡಾ: ಗ್ರೆಗ್ ಚಾಪೆಲ್ ಟೀಂ ಇಂಡಿಯಾ ಕೋಚ್ ಆಗಿದ್ದಾಗ ಟೀಂ ಇಂಡಿಯಾ ಕ್ರಿಕೆಟಿಗರ ನಡುವೆ ಬಿರುಕು ಮೂಡಿಸಿದ್ದರು, ಕೆಲವು ಕ್ರಿಕೆಟಿಗರ ವೃತ್ತಿ ಬದುಕು ಕೊನೆಗಾಣಿಸಿದರು ಎಂಬ ಆರೋಪವಿದೆ.
ಆದರೆ ಟೀಂ ಇಂಡಿಯಾದಲ್ಲಿ ಒಂದು ಕಾಲದಲ್ಲಿ ಪ್ರಮುಖ ವೇಗಿ ಎನಿಸಿಕೊಂಡಿದ್ದ ಇರ್ಫಾನ್ ಪಠಾಣ್ ಇದನ್ನು ನಿರಾಕರಿಸಿದ್ದಾರೆ. ನನ್ನ ವೃತ್ತಿ ಬದುಕು ಮೊಟಕುಗೊಳ್ಳಲು ಗ್ರೆಗ್ ಕಾರಣರಲ್ಲ. ಯಾರಿಗೂ ಹಾಗೆ ಮಾಡಲು ಸಾಧ್ಯವಿಲ್ಲ. ನನ್ನ ವೈಫಲ್ಯಕ್ಕ ನಾನೇ ಕಾರಣ ಎಂದು ಪಠಾಣ್ ಹೇಳಿಕೊಂಡಿದ್ದಾರೆ.
‘ಗ್ರೆಗ್ ರಿಂದಾಗಿ ನನ್ನ ವೃತ್ತಿ ಬದುಕು ಮೂಲೆಗುಂಪಾಯಿತು ಎನ್ನುವುದನ್ನು ಹಲವರು ಹೇಳುವುದನ್ನು ಕೇಳಿದ್ದೇನೆ. ಅದೆಲ್ಲಾ ಸುಳ್ಳು. ದುರದೃಷ್ಟವಶಾತ್ ನಾನು ಗಾಯಗೊಂಡೆ. ನಂತರ ನನಗೆ ತಂಡಕ್ಕೆ ಮರಳಲು ಸಾಧ್ಯವಾಗಲಿಲ್ಲ ಅಷ್ಟೆ’ ಎಂದು ಪಠಾಣ್ ಹೇಳಿಕೊಂಡಿದ್ದಾರೆ.
ಬರೋಡಾದ ಆಲ್ ರೌಂಡರ್ ಈ ಐಪಿಎಲ್ ಆವೃತ್ತಿಯಲ್ಲಿ ಮೊದಲು ಯಾವುದೇ ತಂಡಕ್ಕೂ ಹರಾಜಾಗಿರಲಿಲ್ಲ. ಮೊನ್ನೆಯಷ್ಟೇ ಗಾಯಗೊಂಡ ಬ್ರಾವೋ ಜಾಗಕ್ಕೆ ಗುಜರಾತ್ ಲಯನ್ಸ್ ಅವರನ್ನು ತಂಡಕ್ಕೆ ಕರೆಸಿಕೊಂಡಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ